បន្ទាយមានជ័យ ៖ បុរសវ័យចំណាស់ម្នាក់ជាជនវិកលចរិតទៅអង្គុយនៅលើថ្នល់រទេះភ្លើងត្រូវបានរថភ្លើងបុកស្លាប់នៅវេលាម៉ោង៩និង៣០នាទី ត្រូវនឹងថ្ងៃទី៣០ ខែកញ្ញា ឆ្នាំ២០១៨នៅចំណុចស្ថិតក្នុងភូមិសូរិយាថ្មី ឃុំកូប ស្រុកអូរជ្រៅ ខេត្តបន្ទាយមានជ័យ។
លោកវរសេនីយ៍ត្រី ជា ពិសី មេបញ្ជាការមូលដ្ឋានកងរាជអាវុធហត្ថស្រុកអូរជ្រៅបានប្រាប់អ្នកយកព័ត៌មានឲ្យដឹងថា នៅមុនពេលកើតហេតុនោះជនរងគ្រោះជាមនុស្សអនាថា មិនស្គាល់អត្តសញ្ញាណពេលរថភ្លើងធ្វើដំណើរមកពីទិសខាងលិចទៅទិសខាងកើតមកដល់កន្លែងកើតហេតុជនរងគ្រោះអង្គុយលើផ្លូវរថភ្លើងមិនគេចក៏ បណ្តាលឲ្យរថភ្លើងបុកស្លាប់តែម្តង។
ក្រោយពីកើតហេតុរួចសពត្រូវបានសមត្ថកិច្ច និងអាជ្ញាធរចាត់ចែងដឹកទៅតម្កល់នៅវត្តដើមពោធិ ក្នុងស្រុកអូរជ្រៅរួចនិងបូជាតាមប្រពៃណីនៅក្នុងវត្តនេះតែម្តង៕
Source: Kampuchea Thmey Daily
0 Comments