បាត់ដំបង ៖ សត្វគោ ១ ក្បាល ត្រូវបានដួលស្លាប់នៅក្បែរសសរបង្គោលភ្លើងដោយមិនទាន់ដឹងពីមូលដ្ឋាន បន្ទាប់ពីម្ចាស់សត្វគោ ១ ក្បាលនេះ បានដឹកយកទៅចងនិងសសរបង្គោលភ្លើង ១ ដើម ក្បែរផ្លូវក្រោយពីមេឃទើបនិងធ្លាក់ភ្លៀងរួចថ្មីៗ។
ការភ្ញាក់ផ្អើលនេះ បានកើតឡើងនៅថ្ងៃទី១ ខែតុលា ឆ្នាំ២០១៨ វេលាម៉ោង ៦ ព្រឹក នៅត្រង់ចំណុចភូមិផ្លូវបំបែក ឃុំព្រៃស្វាយ ស្រុកមោងឫស្សី ខេត្តបាត់ដំបង បន្ទាប់ពីមានពលរដ្ឋម្នាក់ ឈ្មោះ ប៉ោល ឈន ភេទប្រុស អាយុ៦៦ឆ្នាំ ទីលំនៅភូមិ ផ្លូវបំបែក ឃុំ ព្រៃស្វាយ បានដឹកគោញីរបស់ខ្លួន ១ ក្បាល ទៅចងនៅក្បែរបង្គោលភ្លើងមុខផ្ទះ ហើយក៏ត្រូវបានឆ្លងចរន្តអគ្គិសនីឆក់ងាប់តែម្តង។
តាមការសន្និដ្ឋានរបស់ប្រភពមួយចំនួន ដែលនៅទីនោះបានលើកឡើងថា អាចជាការឆ្លងចរន្ត ឬក៏ជាការស្រូបទំនាញរបស់តង់ស្យុងអគ្គីសនី ដោយសារតែពេលនោះដីមានសភាពសើមដោយសារទឹកភ្លៀង។ ប៉ុន្តែប្រភពខ្លះបានលើកឡើងថា បើបែបនេះមែន ពលរដ្ឋប្រាកដជាមិនរស់ទេ បើគ្រាន់តែនៅក្បែរបង្គោលភ្លើងក៏ត្រូវភ្លើងឆក់ស្លាប់បែបនេះនោះ។
ដូច្នេះរាល់បញ្ហានេះគួរណាស់តែអង្គភាពពាក់ព័ន្ធមេត្តាពិនិត្យឡើងវិញផង ជៀសវាងនូវការឆក់បែបនេះតទៅទៀត ដោយប្រការណាមួយ។
តាមរយៈទូរស័ព្ទលោក សុខ ហួត ប្រធានអង្គភាពអគ្គីសនី ខេត្តបាត់ដំបង បានបញ្ជាក់ថា បង្គោលភ្លើងទាំងនេះ គឺជារបស់អ្នកម៉ៅការជួលបន្តពីអង្គភាព ដូច្នេះវាផុតដែនរបស់អគ្គីសនីហើយ ប៉ុន្តែវាស្ថិតនៅក្នុងការគ្រប់គ្រងរបស់មន្ទីរ រ៉ែ និងថាមពល ទៅវិញទេ៕
Source: Kampuchea Thmey Daily
0 Comments