ភ្នំពេញ ៖ ជនសង្ស័យមួយក្រុមរួមនិងវត្ថុតាងគ្រឿងញៀនត្រូវមួយចំនួនទៀតត្រូវបានកម្លាំងកងរាជអាវុធហត្ថរាជធានីកសាងសំណុំរឿងបញ្ជូនទៅតុលាការនៅថ្ងៃនេះបន្ទាប់ពីឃាត់ខ្លួនកាលពីវេលាម៉ោង១៨:១៥នាទី ថ្ងៃទី០១ ខែតុលា ឆ្នាំ២០១៨ កម្លាំងល្បាតមូលដ្ឋានអាវុធហត្ថខណ្ឌឫស្សីកែវ បង្ក្រាបបាន០៨នាក់ ពាក់ព័ន្ធករណីគ្រឿងញៀន រួមនឹងក្រាមពណ៍សថ្លា ៦៥កញ្ចប់(ប្រភេទម៉ាទឹកកក) ធំល្មម ០៥កញ្ចប់ ,ថ្នាំប្រភេទពណ៍ផ្កាឈូក ០២កញ្ចប់ នៅចំណុច ក្រុម៧ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញរួចមក។
មន្ត្រីអាវុធហត្ថរាជធានីបានឲ្យដឹងថា ជនសង្ស័យប្រុសស្រីទាំង ០៨នាក់ដែលឃាត់ខ្លួននេះមានឈ្មោះ ទី១/ ឈ្មោះ រ័ត្ន ឧត្តម ហៅឧត្តម ភេទប្រុស អាយុ ២២ឆ្នាំ ,ទី២/ ឈ្មោះ ចាន់ សុឃឿន ហៅខ្មៅ ភេទប្រុស អាយុ ២៣ឆ្នាំ ,ទី៣/ ឈ្មោះ ជា គា ភេទប្រុស អាយុ ២៨ឆ្នាំ ,ទី៤/ ឈ្មោះ ស៊ឺម វណ្ណា ហៅធីង ភេទប្រុស អាយុ ៣៤ឆ្នាំ ,ទី៥/ ឈ្មោះ មួង សុខទី ហៅទី ភេទប្រុស អាយុ ២៩ឆ្នាំ ,ទី៦/ ឈ្មោះ រិន រ៉ុត ហៅតួ ភេទប្រុស អាយុ ២៥ឆ្នាំ ,ទី៧/ ឈ្មោះ កែវ កល្យាណ ហៅសិលា ភេទស្រី អាយុ ២០ឆ្នាំ ,ទី៨/ ឈ្មោះ ខ្លូត វាសនា ហៅស្នា ភេទស្រី អាយុ ២៥ឆ្នាំ ។
ប្រភពបន្តថា បច្ចុប្បន្នពួកគេទាំង ០៨នាក់ ខាងលើ ត្រូវបានសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសំណុំរឿងបញ្ជូនទៅតុលាការដើម្បីចាត់ការតាមច្បាប់ថ្ងៃនេះ៕
Source: Kampuchea Thmey Daily
0 Comments