ភ្នំពេញ ៖ ជាងភ្លើងម្នាក់ ប្រហែលជាភ្លាត់ស្នៀតក៏ស្រាប់តែឆក់ចរន្តភ្លើងបណ្តាលឲ្យធ្លាក់ពីលើអគារសំណង់ជាន់ទី១៦មកខាងក្រោម រងរបួសធ្ងន់ធ្ងរបង្កជាការភ្ញាក់ផ្អើលកាលពីវេលាម៉ោង ១និង៣០នាទីរសៀល ថ្ងៃទី២៧ ខែតុលា ឆ្នាំ២០១៨ ដែលស្ថិតនៅតាមបណ្តោយផ្លូវព្រះស៊ីសុវត្ថិ ទល់មុខសណ្ឋាគារ កាំបូឌីយ៉ាណា ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។
ប្រភពព័ត៌មានបានឲ្យដឹងថា អាគារកំពុងសាងសង់ដ៏ខ្ពស់នោះ មានកម្មករជាច្រើនធ្វើការនៅទីនោះស្រាប់តែដល់វេលាកើតហេតុក៏ស្រាប់តែភ្ញាក់ផ្អើលឡើង ខណៈដែលជាងភ្លើងម្នាក់បានភ្លាត់ស្នៀតត្រូវចរន្តភ្លើងឆក់បណ្តាលឲ្យធ្លាក់ពីលើជាន់ទី៦មកដីហើយភ្លាមៗនោះក្រុមកម្មករក៏បាននាំគ្នាជួយសង្គ្រោះដោយដីខ្សាច់មកលប់លើជនរងគ្រោះដើម្បីជួយសង្គ្រោះសិនមុនពេលដែលរថយន្តពេទ្យមកដឹកយកទៅសង្គ្រោះនោះ។
ពាក់ព័ន្ធហេតុការណ៍កម្មករផ្នែកជាងភ្លើងធ្លាក់ពីលើអគារនោះដែរ ខាងទីតាំងម្ចាស់អគារបានព្យាយាមលាក់បាំងរឿងហេតុដល់សមត្ថកិច្ចទៀតផងសូម្បីតែអត្តសញ្ញាណជនរងគ្រោះខំលាក់បាំងដែរតែទោះជាយ៉ាងណា កម្លាំងសមត្ថកិច្ចកំពុងចុះពិនិត្យនៅទីតាំងកើតហេតុ។ ចំណែកជនរងគ្រោះកំពុងសង្គ្រោះនៅមន្ទីរពេទ្យកាល់ម៉ែតស្ថិតក្នុងស្ថានភាពធ្ងន់ធ្ងរ៕
Source: Kampuchea Thmey Daily
0 Comments