ភ្នំពេញ ៖ រយៈពេល ០២ថ្ងៃ គឺគិតពីថ្ងៃទី២៥-២៦ ខែតុលា ឆ្នាំ២០១៨ អាវុធហត្ថរាជធានីភ្នំពេញ បង្ក្រាបបានជនសង្ស័យ ១៤នាក់ ពាក់ព័ន្ធករណីគ្រឿងញៀន ដកហូតក្រាមពណ៌សថ្លា០៧កញ្ចប់ (ប្រភេទម៉ាទឹកកក) នៅចំណុចទីតាំងផ្សេងៗគ្នា នៅក្នុងភូមិសាស្ត្ររាជធានីភ្នំពេញ។
មន្ត្រីអាវុធហត្ថរាជធានីភ្នំពេញ ប្រាប់ឲ្យដឹងថា ជនសង្ស័យ ទាំង ១៤នាក់ ១/ ឈ្មោះ យ៉ាវ រក្សា ហៅទ្រា ភេទប្រុស អាយុ ១៩ឆ្នាំ ,២/ ឈ្មោះ ចឺត ជាតិ ភេទប្រុស អាយុ ២២ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌជ្រោយចង្វារ ឃាត់ខ្លួនបានកាលពីវេលាម៉ោង១៥និង៤០នាទី នៅចំណុច ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
៣/ ឈ្មោះ សោម វណ្ឌជា ហៅវណ្ឌ ភេទប្រុស អាយុ ៣៩ឆ្នាំ ត្រូវសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន អាវុធហត្ថរាជធានីភ្នំពេញ ឃាត់ខ្លួនបានកាលពីវេលាម៉ោង២២និង២០នាទី នៅចំណុច មុខផ្ទះបើកហ្គេមគ្មានលេខ ផ្លូវលេខ៤២៤ ភូមិចោមចៅ២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ ៤/ ឈ្មោះ ចិន្តា ម៉ារ៉ាឌី ហៅឌី ភេទប្រុស អាយុ ២៥ឆ្នាំ ,៥/ ឈ្មោះ ស្រី វ៉ៃ ហៅវុន ភេទប្រុស អាយុ ៣២ឆ្នាំ ត្រូវបានកម្លាំងមូលដ្ឋានអាវុធហត្ថខណ្ឌពោធិ៍សែនជ័យ សហការជាមួយសមត្ថជំនាញនៃការិយាល័យស្រាវជ្រាវបទល្មើសគ្រឿងញៀន អាវុធហត្ថរាជធានីភ្នំពេញ វេលាម៉ោង១៧និង០០នាទី នៅចំណុច ភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
ពួកគេទាំង ០៥នាក់ ខាងលើ ត្រូវបានសមត្ថកិច្ចអាវុធហត្ថឃាត់ខ្លួនបាន កាលពីថ្ងៃទី២៥ ខែតុលា ឆ្នាំ២០១៨។
ចំណែកថ្ងៃទី២៦ ខែតុលា ឆ្នាំ២០១៨ កម្លាំងអាវុធហត្ថរាជធានីភ្នំពេញ ឃាត់ខ្លួនបានជនសង្ស័យ ០៩នាក់ បន្ថែមទៀត រួមមាន ១/ ឈ្មោះ យុទ្ធ បូរ៉ា ហៅរ៉ា ភេទប្រុស អាយុ ១៩ឆ្នាំ ,២/ ឈ្មោះ រឿន រ៉ន ហៅស្លុយ ភេទប្រុស អាយុ ១៩ឆ្នាំ ,៣/ ឈ្មោះ សាន់ ដេតពិសិដ្ឋ ហៅសិដ្ឋ ភេទប្រុស អាយុ ១៨ឆ្នាំ ,៤/ ឈ្មោះ ឆៃ វាសនា ភេទប្រុស អាយុ ២៨ឆ្នាំ ,៥/ ឈ្មោះ ហុក សុវណ្ណារ៉ា ហៅរ៉ា ភេទប្រុស អាយុ ២៦ឆ្នាំ ,៦/ ឈ្មោះ ខេង ប៊ុនរិទ្ធ ហៅយ៉ក ភេទប្រុស អាយុ ៣៣ឆ្នាំ ,៧/ ឈ្មោះ កុល សុខគា ហៅគា ភេទប្រុស អាយុ ២១ឆ្នាំ ត្រូវបានកម្លាំងមូលដ្ឋានអាវុធហត្ថខណ្ឌឫស្សីកែវ សហការជាមួយសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ ឃាត់ខ្លួនបានកាលពីវេលាម៉ោង១៥:១០នាទី នៅចំណុច ផ្លូវលំ ក្រុម៧ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ ៨/ ឈ្មោះ ណាត ចានឡេង ភេទប្រុស អាយុ ១៨ឆ្នាំ ,៩/ ឈ្មោះ អាន ចាន់វិទូ ភេទប្រុស អាយុ ១៨ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌមានជ័យ ឃាត់ខ្លួនបានកាលពីវេលាម៉ោង២១:១៥នាទី នៅចំណុច ផ្លូវ២៧១ ភូមិ១ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។
បច្ចុប្បន្ន ជនសង្ស័យទាំង ១៤នាក់ ត្រូវបានសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
Source: Kampuchea Thmey Daily
0 Comments