ផ្ទុះរឿងអាស្រូវដ៏អាម៉ាស់ តារាចម្រៀងប្រុសសាន់ដេម្នាក់ បោកខ្លួនប្រាណនារីម្នាក់ មានកូនមិនទទួលខុសត្រូវ

ភ្នំពេញ ៖ មានការភ្ញាក់ផ្អើល និងចាប់អារម្មណ៍ខ្លាំងពីសំណាក់មជ្ឈដ្ឋានមហាជន ពិសេសអ្នកលេងបណ្ដាញសង្គមហ្វេសប៊ុក បន្ទាប់ពីមានការទម្លាយដំណឹងដ៏រសើប រហូតមានការបន្តចែករំលែកយ៉ាងព្រោងព្រាតនៅលើបណ្ដាញសង្គមនូវរឿងរ៉ាវដ៏អាម៉ាស់របស់តារាចម្រៀង ប្រុសសាន់ដេ មានឈ្មោះថា យឿន សូត្រអនុស្សាវរីយ៍ លើករណីបោកប្រាស់ខ្លួនប្រាណនារីម្នាក់មានកូន។

ការទម្លាយនូវរឿងរ៉ាវដ៏រសើប ឬបកស្បែកមុខ នៃទង្វើបោកប្រាស់យកខ្លួនប្រាណរបស់នារីម្នាក់ពីសំណាក់តារាចម្រៀងរលកថ្មី លោក យឿន សូត្រអនុស្សាវរីយ៍ ពេលនេះ ត្រូវបានប្រភពជាច្រើនបញ្ជាក់ថា តារាប្រុសរូបនេះ បានល្បួងលួងលោមនារីជាជនរងគ្រោះរួមដំណេកបណ្ដាលឲ្យមានកូនរួចក៏បានដោះដៃមិនទទួលខុសត្រូវ ខណៈដែល យឿន សូត្រអនុស្សាវរីយ៍ ក៏មានប្រពន្ធផងនោះ។

ផ្អែកតាមប្រភពពីម្ចាស់ Account Facebook ឈ្មោះ អា លាង បានសរសេរបង្ហោះជាសាធារណៈភ្ជាប់ជាមួយរូបភាពតារាប្រុសរូបនោះថា នាងខ្ញុំសូមប្រកាសប្រាប់បងប្អូនស្រីៗយើងផងថា យឿន សូត្រអនុស្សាវរីយ៍ គឺជាជនឆបោកប្អូនស្រីម្នាក់ឲ្យមានកូន ហើយមិនទទួលខុសត្រូវចំពោះប្អូនស្រីម្នាក់នេះទេ។ ខ្លួនមានប្រពន្ធហើយ តែនិយាយ តែនិយាយបោកប្អូនស្រីម្នាក់នេះថា មិនទាន់មានប្រពន្ធ ខ្លួនឯងគឺជាតារាចម្រៀងម្នាក់ដែលកំពុងនិងល្បី តែលោកឯងជាអ្នកលក់ឈ្មោះលោកឯងទេ។

ជាមួយគ្នានេះដែរ ក៏មានម្ចាស់Account Facebookម្នាក់ទៀត ឈ្មោះថា មេតាធម៌ បានសរសេររៀបរាប់ស្រដៀងគ្នានេះថា យឿន សូតអនុស្សាវរីយ៍ គឺជាជនឆបោកម្នាក់ បានធ្វើអំពើដែលអាក្រក់ ជនម្នាក់នេះបានមកលួងលោមបោកប្រាស់ប្អូនស្រីម្នាក់រហូតទាល់តែមានកូន ហើយមុនដំបូងជននេះមកទាក់ទងប្អូនស្រីដែលជាជនរងគ្រោះ ក្នុងលក្ខណៈជាអ្នករាប់អានគ្នា។

ប៉ុន្តែអស់រយៈពេលជាច្រើនខែកន្លងមកហើយ អ្នកទាំងពីរក៏ផ្ដើមស្រឡាញ់គ្នា នៅពេលនោះហើយដែលជនឆបោកម្នាក់នេះ សម្ដែងធ្វើខ្លួនជាមនុស្សល្អ ព្រមទាំងបានលួងលោមផ្ដល់ក្តីសង្ឃឹមដល់ជនរងគ្រោះ ព្រមទាំងបានភូតកុហកថា ខ្លួនមិនទាន់មានប្រពន្ធ ថានឹងនាំចាស់ទុំមកស្ដីដណ្ដឹង។

ប្រភពពីម្ចាស់Account Facebook ដដែលនេះបានបន្តថា ថ្ងៃមួយជននេះក៏បានមកលេងផ្ទះជនរងគ្រោះដូចសព្វដង ឃើញឱកាសគ្មានអ្នកនៅផ្ទះ ជននេះក៏បានបង្ខំជនរងគ្រោះរួមដំណេកជាមួយ រួចហើយក៏បានអង្វរកុំឲ្យប្រាប់ឪពុកម្ដាយ ឬបងប្អូន រួចហើយជននោះក៏បានសន្យាថា ខ្លួន នឹងទទួលខុសត្រូវ។

ប៉ុន្តែអស់រយៈពេលកន្លងជាច្រើនខែ ប្អូនស្រីក៏មានផ្ទៃពោះ ហើយបានប្រាប់ទៅជននេះ ដំបូងជនបោកនេះថា ឲ្យទុកកូននេះទៅ គេនឹងទទួលខុសត្រូវ នាំឪពុកម្ដាយចូលតាមប្រពៃណី ក្រោយមកក៏បានប្រាប់ថាឲ្យជនរងគ្រោះយកកូនចេញទៅ។

ប្រភពបញ្ជាក់ទៀតថា តែដោយក្ដីស្រឡាញ់ និងជាមនុស្សស្លូតត្រង់ ជនរងគ្រោះមិនដាច់ចិត្តយកកូនចេញ ព្រោះក្មេងគ្នាគ្មានដឹងអ្វីទេ ព្រោះកូនបានអាយុ៧ ឬ៨ខែហើយ អាមួយនេះវាហ៊ានដាច់ចិត្តបង្ខំឲ្យប្អូនស្រីយកចេញ គិតទៅវាអន់ជាងសត្វយ៉ាងណាដោយប្អូនស្រីនៅតែមិនព្រមយកចេញ ព្រោះអាណិតក្មេង តាំងពីពេលនោះមក ជននេះឈប់ទំនាក់ទំនងជាមួយជនរងគ្រោះ ដោយទុកឲ្យប្អូនស្រីទាំងមានផ្ទៃពោះ រង់ចាំមួយថ្ងៃបាត់ទៅៗ ពេលតាមសួររកទើបដឹងថា ជននេះមានប្រពន្ធហើយ ទូរស័ព្ទតេមិនលើកFacebook block គ្នាចោលហើយ ថែមទាំងឲ្យបងស្រី និងប្រពន្ធវាតេមកជេ និងគំរាមជនរងគ្រោះទៀតផង។

គិតមកទល់ពេលនេះ នៅមិនទាន់មានប្រតិកម្ម ឬការចេញមុខបំភ្លឺណាមួយពីសំណាក់សាមីខ្លួនតារាចម្រៀងប្រុសរបស់ផលិតកម្មសាន់ដេ លោក យឿន សូត្រអនុស្សាវរីយ៍ ជុំវិញករណីចោទប្រកាន់ខាងលើនេះបាននៅឡើយទេ ខណៈកម្ពុជាថ្មីក៏មិនទាន់អាចស្វែងរកការបកស្រាយបាននៅឡើយដែរ៕