ប្រកួត​កីឡា​វាយ​កូនគោល ​ប្រមូល​មូលនិធិ​មនុស្សធម៌​ ដើម្បី​បង្កើត​មជ្ឈមណ្ឌល​បណ្ដុះបណ្ដាល​យុវជន​តាម​បណ្ដា​ប្រទេស​អាស៊ាន និង​អាស៊ី​ខាងត្បូង​

​ប្រទេស​កូរ៉េ​ ៖ ឯកអគ្គរាជទូត​កម្ពុ​ជា ប្រចាំ​សាធារណរដ្ឋ​កូរ៉េ លោក ឡុង ឌី​ម៉​ង់ បាន​ចូលរួម ប្រកួត​កីឡា​វាយ​កូនគោល​ប្រមូល មូលនិធិ​មនុស្សធម៌​ពី​វិស័យ ឯកជន​កូរ៉េ ដើម្បី​បង្កើត មជ្ឈមណ្ឌល​បណ្ដុះ​បណ្ដាល​យុវជន​តាម​បណ្ដា​ប្រទេស​អាស៊ាន និង​អាស៊ី​ខាងត្បូង​។​

តាមរយៈ​បណ្ដាញ​ទំនាក់ទំនង​សង្គម​ហ្វេ​ស​ប៊ុ​ក​របស់ លោក ឡុង ឌី​ម៉​ង់ កាលពី​ថ្ងៃ​ទី​១២ ខែ​វិច្ឆិកា បាន​ឲ្យ​ដឹង​ថា “​លោក​បាន​ចូលរួម​ប្រកួត​កីឡាវាយកូនគោល​ប្រមូល​មូលនិធិ​មនុស្សធម៌​ពី​វិស័យ​ឯក​ជន​កូរ៉េ Asian Friendship Golf Tournament ដើម្បី​យកទៅជួយ​បង្កើត​មជ្ឈមណ្ឌល​បណ្ដុះបណ្ដាល​យុវជន Asia Youth Training Center តាម​បណ្ដា​ប្រទេស​នៅ​អាស៊ាន និង​តំបន់ អាស៊ី​ខាងត្បូង ដែល​ក្នុង​នោះ កម្ពុជា​ក៏​នឹង​បង្កើត​ឡើង​នាពេលខាង​មុខ​នេះ​ដែរ ដោយ​លោក​នឹង​ផ្ដល់​កិច្ចសហការ​សម្រប​សម្រួល​ជាមួយ​សហភាព​សហព័ន្ធ​យុវជន​កម្ពុជា មាន​បង​ប្រធាន ហ៊ុន ម៉ា​នី​ ជា​ប្រធាន​”​។

ជាមួយគ្នា​ លោក ឡុង ឌី​ម៉​ង់ ក៏បាន​បង្ហាញ​ពី​អារម្មណ៍​សប្បាយរីករាយ ខណៈ​ចូលរួម​ប្រកួត​វាយ​កូន​គោល​នោះ​ថា “​ឡូយ​ណាស់ ​ខ្ញុំ​ថ្ងៃនេះ​ បាន​លេង​ក្នុង​ក្រុម ជាមួយ​កញ្ញា Cho Yeon-hee ដែល​ជា​កីឡា​ការិនី​អាជីព professional របស់​កូរ៉េ​ផង​ដែរ​៕


Source: Kampuchea Thmey Daily