ស្ត្រី និងក្មេងស្រី ជាច្រើន នៅក្នុងប្រទេសក្រីក្រ កំពុងតែប្រើប្រាស់វិធីពន្យារកំណើតបែបទំនើបជាការចម្រើនជឿនលឿនគួរឲ្យកត់សម្គាល់នៅក្នុងកិច្ចខិតខំប្រឹងប្រែងពាក់ព័ន្ធនឹងស្ត្រីនៅក្នុងផែនការគ្រួសារ។ នេះជាការលើកឡើងយោងតាមរបាយការណ៍មួយចេញផ្សាយកាលពីថ្ងៃចន្ទ។
ចំនួនស្ត្រី និងក្មេងស្រី ដែលកំពុងប្រើប្រាស់ការពន្យារកំណើត នៅក្នុង៦៩គ្រួសារ ក្នុងចំណោមក្រីក្របំផុត នៃពិភពលោក បានកើនឡើងលើសពី៣១៧លាននាក់ ក្នុងឆ្នាំ២០១៨ គឺមានដល់ទៅ៤៦លាននាក់ ជាអ្នកប្រើប្រាស់វិធីបែបនេះ លើសកាលពីឆ្នាំ២០១៧។ នេះជាការលើកឡើងនៅក្នុងរបាយការណ៍មួយធ្វើឡើងដោយផ្នែកផែនការគ្រួសារឆ្នាំ២០២០។
ការប្រើវិធីពន្យារកំណើតតាមបែបទំនើប បានជួយបង្ការការតាំងគភ៌ ដោយអចេតនា ដល់ទៅ១១៩លានករណី និងទប់ស្កាត់បានការរម្លូតកូនអសុវត្ថិភាព បានដល់២០លានករណី រវាងខែកក្កដា ឆ្នាំ២០១៧ និងខែកក្កដា ឆ្នាំ២០១៨ ថ្វីបើពលរដ្ឋបន្តកើនឡើងនៅទូទាំងទ្វីបអាហ្វ្រិក និងប្រទេសដែលមានចំណូលទាបផ្សេងទៀតក្នុងពិភពលោក។
ការប្រើវិធីពន្យារកំណើតរួមបញ្ចូលគ្នាបានធ្វើឲ្យប្រសើរឡើងគួរឲ្យកត់សម្គាល់ក្នុង២០ប្រទេស ក្នុងចំណោមប្រទេសដែលត្រូវបានធ្វើការតាមដានពិនិត្យ មានន័យថា ស្ត្រីកាន់តែច្រើនថែមទៀត អាចរកឃើញពីលទ្ធផលរយៈពេលខ្លី រយៈពេលវែង និងបន្ទាន់ ឬជាអចិន្ត្រៃយ៍ ដែលជួយសម្រួលទៅតាមភាពចាំបាច់ ឬចំណូលចិត្តរបស់ពួកគេ៕
Source: Kampuchea Thmey Daily
0 Comments