រតនគិរី ៖ ក្មេងប្រុសជនជាតិទំពួនម្នាក់ បានទៅលេងក្បែរនឹងបង្គោលសសរខ្សែចងហាលខោអាវ ខណៈនោះដែរ ក្មេងប្រុសនេះ បានទៅទាញខ្សែហាលខោអាវ ក៏ដួលសង្កត់ខ្លួនឯងស្លាប់មួយរំពេច។
ហេតុការណ៍ស្លាប់ក្មេងប្រុសនេះ បានកើតឡើងកាលពីវេលាម៉ោង០៧និង៣០នាទីយប់ ថ្ងៃអង្គារ ០៦កើត ខែកត្តិក ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៣ ខែវិច្ឆិកា ឆ្នាំ២០១៨ ស្ថិតនៅភូមិល្អឺនកាំងមិស ឃុំអូរជុំ ស្រុកអូរជុំ។
មន្ត្រីនគរបាលស្រុកអូរជុំបានឲ្យដឹងថា ក្មេងប្រុសរងគ្រោះ ឈ្មោះ សុខ ណុត អាយុ០៦ឆ្នាំ ជនជាតិទំពួន(ស្លាប់)។
ក្រោយកើតហេតុ កម្លាំងជំនាញ និងកម្លាំងប៉ុស្តិ៍ បានចុះទៅធ្វើកោសល្យវិច័យ រួចហើយប្រគល់សព ទៅឲ្យអាណាព្យាបាល ដើម្បីយកទៅធ្វើបុណ្យតាមប្រពៃណីបងប្អូនជនជាតិដើមភាគតិច៕
Source: Kampuchea Thmey Daily
0 Comments