សៀមរាប ៖ ស្ត្រីវ័យ២៣ឆ្នាំម្នាក់ បានធ្វើអត្តឃាតដោយចង.ក សម្លាប់ខ្លួន នៅក្នុងបន្ទប់ជួល ហើយ ករណីនេះសមត្ថកិច្ចអះអាងថា ផ្ដើមចេញពីភ្លើងប្រច័ណ្ឌរឿងស្នេហាត្រីកោណ។
ហេតុការណ៍នេះ បានកើតឡើងនាយប់រំលងអធ្រាត្រថ្ងៃទី២៧ ខែវិច្ឆិកា ឆ្នាំ២០១៨ ក្នុងភូមិភ្នាជ័យ សង្កាត់ស្វាយដង្គំ ក្រុងសៀមរាប។
លោកអនុសេនីយ៍ឯក ស៊ូ វ៉ាន់ដេត នាយប៉ុស្តិ៍នគរបាលសង្កាត់ស្វាយដង្គំបានឲ្យដឹងថា ក្រោយទទួលព័ត៌មានពីឈ្មោះ មុំ ស៊ុយ ភេទប្រុស អាយុ៤១ឆ្នាំ ជាអ្នកជិតខាងកន្លែងកើតហេតុគឺ មានអ្នកជួលបន្ទប់ជិតផ្ទះគាត់ឈ្មោះ សុត ហែម ហៅក្រៅល័ក្ខ ភេទស្រី អាយុ២៣ឆ្នាំ បានចង.ក ស្លាប់ដោយខ្លួនឯង។
បន្ទាប់មក សមត្ថកិច្ចការិយាល័យបច្ចេកទេស ចុះមកពិនិត្យសាកសពឃើញថា នារីរងគ្រោះបានចង.ក សម្លាប់ខ្លួនស្លាប់ ដោយខ្លួនឯងពិតមែន មិនមានពាក់ព័ន្ធបទល្មើសអ្វីទេ។
លោកបន្ថែមថា មូលហេតុដែលបណ្ដាលឲ្យស្ត្រីខាងលើធ្វើបែបនេះ គឺដោយសារមានវិបត្តិស្នេហាត្រីកោណ(ប្រច័ណ្ឌ)ប្ដី ជាមួយប្រពន្ធដើម ព្រោះស្ត្រីខាងលើជាប្រពន្ធបន្ទាប់។
លោកបញ្ជាក់ថា ក្រោយពិនិត្យ និងកោសល្យវិច័យ សមត្ថកិច្ចបានប្រគល់សាកសពជូនក្រុមគ្រួសារធ្វើបុណ្យតាមប្រពៃណី៕
Source: Kampuchea Thmey Daily
0 Comments