ភ្នំពេញ ៖ ក្រុមប្រតិបត្តិការចម្រុះនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ បានធ្វើការឃាត់ខ្លួនជនបរទេសចំនួន៩នាក់ ស្រី៦នាក់ សុទ្ធតែជាជនជាតិវៀតណាម ដែលបានលួចស្នាក់នៅ គ្មានលិខិតឆ្លងដែន និងប្រើប្រាស់ឯកសារមិនត្រឹមត្រូវ។
ក្រុមប្រតិបត្តិការនេះធ្វើឡើងកាលពីព្រឹកថ្ងៃទី១ ខែវិច្ឆិកា ឆ្នាំ២០១៨ ស្ថិតនៅភូមិស្វាយប៉ាក និងភូមិលូ សង្កាត់ស្វាយប៉ាក ខណ្ឌឫស្សីកែវ។
ក្រុមប្រតិបត្តិការនេះដឹកនាំដោយលោក សៀង សុខ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានសហការជាមួយ ស្នងការដ្ឋាននគរបាលរាជធានីភ្នំពេញ ដើម្បីចុះត្រួតពិនិត្យគោលដៅក្នុងមូលដ្ឋានខណ្ឌឫស្សីកែវ។
ក្រោយពីចុះពិនិត្យ គឺសមត្ថកិច្ចបានរកឃើញមានជនបរទេសចំនួន៩នាក់ ក្នុងនោះស្រី៦នាក់ ជាជនជាតិវៀតណាម បានលួចស្នាក់នៅគ្មានលិខិតឆ្លងដែន និងប្រើប្រាស់ឯកសារមិនត្រឹមត្រូវ។
បន្ទាប់ពីឃាត់ខ្លួន សមត្ថកិច្ចបានបញ្ជូនជនបរទេសខាងលើ មកកាន់អគ្គនាយកដ្ឋានអន្តោប្រវេសន៍ ដើម្បីត្រួតពិនិត្យឯកសារ និងសាកសួរតាមនីតិវិធីច្បាប់៕
Source: Kampuchea Thmey Daily
0 Comments