ភ្នំពេញ ៖ កម្លាំងល្បាត អាវុធហត្ថខណ្ឌព្រែកព្នៅ បានធ្វើការពួនស្ទាក់ និងឃាត់ខ្លួនបានជនសង្ស័យចំនួន០២នាក់ ពីបទ(ពាក់ព័ន្ធនូវសារធាតុញៀនដោយខុសច្បាប់) កាលពីថ្ងៃទី១៨ ខែវិច្ឆិកា ឆ្នាំ២០១៨ នៅតាមបណ្ដោយផ្លូវជាតិលេខ៥ មុខឃ្លាំងស្តុបសាំងSOKIMEX ភូមិពោធិ៍មង្គល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
ជនសង្ស័យក្នុងករណីនេះ ទី១-ឈ្មោះ មិន ថា ហៅហើម ភេទប្រុស អាយុ២៨ឆ្មាំ ជនជាតិខ្មែរ មុខរបរជាងដែក រស់នៅភូមិ សំបូរ ឃុំសំបូរ ស្រុកបាធាយ ខេត្តកំពង់ចាម។ និងទី២-ឈ្មោះ អឿន ប៉េងស្រៀ ភេទប្រុស អាយុ២៣ឆ្នាំ ជនជាតិខ្មែរ មុខរបរជាងដែក រស់នៅភូមិ សំបូរ ឃុំសំបូរ ស្រុកបាធាយ ខេត្តកំពង់ចាម។
រីឯ វត្ថុតាង ដកហូតបានម្សៅក្រាមពណ៌សថ្លា ចំនួន០៤កញ្ចប់តូច ម៉ូតូ០១គ្រឿង ម៉ាកហុងដាឌ្រីមសង់សេ125ពណ៌ខ្មៅ ផលិតឆ្នាំ២០១២ គ្មានកាងក្រោយ គ្មានកាបាំង គ្មានកុងទ័រ ពាក់ស្លាកលេខ1BJ-6200ភ្នំពេញ។
សមត្ថកិច្ចបានឲ្យដឹងថា នៅមុនពេលកើតហេតុ កម្លាំងល្បាតអាវុធហត្ថខណ្ឌព្រែកព្នៅ បានធ្វើការល្បាតតាមគោលដៅរបស់ខ្លួន រំពេចនោះក៏ប្រទះឃើញជនសង្ស័យពីរនាក់ខាងលើ ហើយបានហៅឲ្យឈប់ រួចឆែកឆេរក៏ឃើញម្សៅក្រាមពណ៌សថ្លាចំនួន០៤កញ្ចប់តូច ហើយកម្លាំងល្បាតក៏បានឃាត់ខ្លួនភ្លាមៗតែម្ដង។
បច្ចុប្បន្ន ជនសង្ស័យ និងវត្ថុតាង បានបញ្ជូនទៅការិយាល័យប្រឆាំងបទល្មើសគ្រឿងញៀន អាវុធហត្ថរាជធានីភ្នំពេញ ចាត់ការទៅតាមផ្លូវច្បាប់៕
Source: Kampuchea Thmey Daily
0 Comments