ភ្នំពេញ ៖ អ្នកធ្វើដំណើរឆ្លងកាត់ផ្លូវលេខ៣៦៣ ក្រោយសាលាខណ្ឌច្បារអំពៅ បានហួសចិត្តគ្រប់ៗគ្នា ដោយសារតែគេឃើញរថយន្តមួយគ្រឿង ពាក់ស្លាកលេខ(រដ្ឋសភា) បើកបរទាំងបញ្ច្រាសទិសបង្កឲ្យកកស្ទះចរាចរណ៍ថែមទៀតផង។
អ្នកធ្វើដំណើរបាននិយាយថា រថយន្តដែលពាក់ស្លាកលេខ រដ្ឋសភា ហើយបើកបំពានទៅចំណែកម្ខាងនេះ គឺនៅវេលាព្រឹកថ្ងៃទី១៦វិច្ឆិកា។
ការបើកបំពានលើផ្លូវបែបនេះ គឺក្បែរនឹងអធិការដ្ឋាននគរបាលខណ្ឌច្បារអំពៅ ស្ថិតក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ ហើយពេលនោះគេ ក៏ពុំបានឃើញនគរបាលចរាចរណ៍របស់ខណ្ឌចេញមកឃាត់នោះឡើយ ទំនងជាខ្លាចអស់បុណ្យស័ក្ដិពីស្មា ព្រោះគ្រាន់តែឃើញស្លាកលេខរបស់អ្នកបង្កើតច្បាប់។
អ្នកធ្វើដំណើរបានអះអាងថា សព្វថ្ងៃនេះ អ្នកមិនគោរពច្បាប់ចរាចរណ៍បែបនេះ គឺមានច្រើនណាស់ប៉ុន្តែគេពុំបានឃើញសមត្ថកិច្ចនគរបាលចរាចរណ៍ដែលអនុវត្តន៍ច្បាប់ចេញមុខមកត្រួតពិនិត្យផ្ទាល់សោះ មិនដឹងជាថ្នាក់លើរបស់គាត់មិនចាត់តាំងទេដឹង។
ក្នុងរូបភាពបែបនេះ គួរតែអ្នកបើកបរគ្រប់រូប កុំអនុវត្តន៍តាមឲ្យសោះ ព្រោះវាជារឿងដ៏អាក្រក់ដល់សង្គម ហើយទៅបន្ទោសប្រមុខថ្នាក់ដឹកនាំទៅវិញឆ្កុយ៕
Source: Kampuchea Thmey Daily
0 Comments