ភ្នំពេញ ៖ Xiaomi ដែលជាក្រុមហ៊ុនឈានមុនគេផ្នែកបច្ចេកវិទ្យាសាកលលោក បានប្រកាសចេញនូវស្មាតហ្វូន Mi 8 Lite និង Mi 8 Pro ជាផ្លូវការនាថ្ងៃនេះក្នុងប្រទេសកម្ពុជា ដោយផ្តល់ឲ្យអ្នកប្រើប្រាស់នូវជម្រើសកាន់តែច្រើនដើម្បីរីករាយនឹងលក្ខណៈពិសេសបំផុតពីស៊េរីស្មាតហ្វូន Mi 8ជាមួយនឹងបច្ចេកវិទ្យាថតរូបទំនើបនិងការច្នៃប្រឌិតមានគុណភាពខ្ពស់។
លោក Jonh Chen ដែលជានាយកក្រុមហ៊ុន Xiaomi ប្រចាំនៅតំបន់អាស៊ីអាគ្នេយ៍បានប្រាប់ឲ្យដឹងថា៖ ក្រុមហ៊ុន Xiaomi បាននាំចេញស្មាតហ្វូនជាង 1០០លាន គ្រឿង នៅក្នុងឆ្នាំនេះ ដោយឡែកស៊េរីស្មាតហ្វូន Mi 8 បាននាំចេញសរុបលើសពី 6លានគ្រឿង ដែលជាការចូលរួមចំណែកយ៉ាងធំធេងនៅក្នុងភាពជោគជ័យនេះ។ យើងខ្ញុំមានក្តីរំភើបដែលនាំយកស្មាតហ្វូនស៊េរីទំនើបនេះមកប្រទេសកម្ពុជាមុនពេលថ្ងៃបុណ្យ Christmas ឈានចូលមកដល់។ ជាមួយនឹងពណ៌ដ៏ស្រស់ស្អាត និងការថតរូបដ៏មានថាមពលរបស់ខ្លួន ស្មាតហ្វូនស៊េរីនេះគឺជាដៃគូដ៏សក្ដិសមសម្រាប់ការអបអរសាទរផ្សេងៗនៅក្នុងរដូវកាលនេះ។
លោកបានឲ្យដឹងបន្ថែមថា Mi 8 Lite សម្រាប់ការលេងហ្គេម និងការថតរូបដ៏អស្ចារ្យ បំពាក់មកជាមួយកាមេរ៉ាទំហំ 24 megapixels, sensor ខាងមុខ Sony IMX576 ដែលបំពាក់លើទូរស័ព្ទ Mi 8 Lite អាចចាប់យករូបភាពបានច្បាស់បំផុតដែលមិនធ្លាប់មានពីមុន។ នៅក្នុងស្ថានភាពពន្លឺខ្សោយ sensor នឹងប្រើនូវបច្ចេកវិទ្យា Super Pixel ដើម្បីចាប់ច្របាច់នូវព័ត៌មាននៃ pixel 4 ឲ្យក្លាយទៅជា pixel ធំមួយ ធ្វើឲ្យរូបភាពកាន់តែច្បាស់ ជាពិសេសនៅទីតាំងក្នុងអគារ។ ទន្ទឹមនឹងនេះ អេក្រង់របស់ទូរស័ព្ទ Mi 8 Lite អាចបញ្ចេញនូវពណ៌ផ្សេងៗដែលស៊ីទៅនឹងស្ថានភាពនានានៅពេលថតរូប selfies ដោយចាំងបំភ្លឺមុខជាមួយនឹងពណ៌ដែលត្រូវគ្នាយ៉ាងឆ្លាតវៃ ដើម្បីធ្វើឲ្យការថតរូប selfies កាន់តែស្រស់ស្អាត។
Mi 8 Pro បានបោះជំហានទៅមុខមួយកម្រិតទៀត ដោយបានបន្ថែមនូវមុខងារ futuristic pressure-sensitive សម្រាប់ដោះសោអេក្រង់ដោយស្កេនម្រាមដៃ។ វាមានលក្ខណៈខុសពីបច្ចេកវិទ្យាដោះសោអេក្រង់ដោយស្កេនម្រាមដៃដទៃទៀត ដែលត្រូវចំណាយថាមពលដោយផ្តិតម្រាមដៃទៅនឹងកញ្ចក់ឲ្យជាប់ ដើម្បីមើលថា ថាតើម្រាមដៃបានស្កេនជាប់ ឬនៅ។ ប៉ុន្តែសម្រាប់ pressure sensor វិញ គឺដោយគ្រាន់តែចុចបើកដំណើរការនៃមុខងារនោះ ហើយដាក់ម្រាមដៃលើអេក្រង់ វាគឺដំណើរការយ៉ាងលឿន និងកាត់បន្ថយថាមពលទៀតផង។
សម្រាប់ ទូរស័ព្ទ Mi 8 Lite and Mi 8 Pro នឹងដាក់លក់នៅថ្ងៃទី1០ ខែវិច្ឆិកា ខាងមុខនេះ ។ ទូរស័ព្ទ Mi 8 Lite មានជម្រើស ២ ពណ៌ គឺពណ៌ខៀវ (Aurora Blue) និងពណ៌ខ្មៅ (Midnight Black) ដោយមាន 2 version: 4GB + 64GB តម្លៃ 259ដុល្លារ និង 6GB + 128GB តម្លៃ 299ដុល្លារ។ ដោយឡែក ទូរសព្ទ Mi 8 Pro មានតែមួយពណ៌គត់ គឺពណ៌ Transparent Titanium និងមានតែ 1 version ប៉ុណ្ណោះគឺ 8GB + 128GB តម្លៃ 599ដុល្លារ។
Xiaomi បច្ចុប្បន្នគឺជាក្រុមហ៊ុនម៉ាកសញ្ញាស្មាតហ្វូនធំជាងគេលំដាប់ថ្នាក់លេខ 4 លើពិភពលោក ហើយបានបង្កើតនូវ loT platform អ្នកប្រើប្រាស់ធំជាងគេលើពិភពលោក ជាមួយនឹងឧបករណ៍ឆ្លាតវៃ (smart devices) ច្រើនជាង 1០០ លាន គ្រឿង (ដោយមិនរាប់បញ្ចូល smartphones និង laptops ឡើយ) ដែលបានតភ្ជាប់ជាមួយ platform របស់ខ្លួន។ នាពេលបច្ចុប្បន្ន ផលិតផលរបស់ក្រុមហ៊ុន Xiaomi មានលក់នៅតាមតំបន់ និងប្រទេសចំនួនជាង 7០ប្រទេស នៅទូទាំងពិភពលោក និងមានកន្លែងឈរជើងឈានមុខគេក្នុងទីផ្សារជាច្រើន
ទៀតផង៕
Source: Kampuchea Thmey Daily
0 Comments