ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី១៣ ខែធ្នូ ឆ្នាំ២០១៨ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន១០លើក ( យប់៤លើក ) បណ្ដាលឲ្យមនុស្សស្លាប់៥នាក់ ( ស្រី១នាក់ ) រងរបួសធ្ងន់៧នាក់ ( ស្រី១នាក់ ) និងរងរបួសស្រាល២នាក់ ( ប្រុស ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព៦នាក់ ( យប់២នាក់ )។
នៅក្នុងករណីគ្រោះថ្នាក់ចរាចរណ៍ទាំង១០លើកនេះ បានបណ្ដាលឲ្យមានការខូចខាតយានយន្តសរុប១៧គ្រឿង ក្នុងនោះមាន ម៉ូតូ ចំនួន៨គ្រឿង រថយន្តធុនតូច ចំនួន៦គ្រឿង យានផ្សេងៗ ចំនួន ៣គ្រឿង និងអ្នកថ្មើរជើង៣នាក់។
របាយការណ៍ខាងលើប្រាប់បន្តថា មូលហេតុ ដែលបណ្ដាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្មើសល្បឿន៤លើក ( ស្លាប់៤នាក់ ) , មិនគោរពសិទ្ធិ៥លើក ( ស្លាប់១នាក់ ) , និងបត់គ្រោះថ្នាក់១លើក។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៥លើក និងផ្លូវខេត្ត ចំនួន៥លើក។ ដោយឡែកយានយន្តដែលបង្កហេតុ រួមមាន ម៉ូតូចំនួន៤លើក រថយន្តធុនតូច ចំនួន៤លើក និងយានផ្សេងៗ ចំនួន២លើក។
រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តក្រចេះ៣លើក ស្លាប់៣នាក់ ភ្នំពេញ២លើក ស្លាប់១នាក់ របួស៥នាក់ និងខេត្តតាកែវ១លើក ស្លាប់១នាក់។
យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា គ្រោះថ្នាក់ចរាចរណ៍ រយៈពេល១៣ថ្ងៃ គិតចាប់ពីថ្ងៃទី១ ដល់ថ្ងៃទី១៣ ខែធ្នូ ឆ្នាំ២០១៨ កើតឡើង១២៦លើក បណ្ដាលឲ្យមនុស្សស្លាប់៥៨នាក់ របួសសរុប១៥៦នាក់ ក្នុងនោះរបួសធ្ងន់១០៨នាក់ និងរងរបួសស្រាល៤៨នាក់៕
Source: Kampuchea Thmey Daily
0 Comments