ក្លិប​ភ្នំពេញ​ក្រោ​ន បង្ហាញមុខ​កីឡាករ​បរទេស​ទី​៣​នៅក្នុង​ក្លិប​ត្រៀម​រដូវ​កាល​ឆ្នាំ​២០១៩​ខាងមុខ​

​ក្លឹប​បាល់ទាត់​ភ្នំពេញ​ក្រោ​ន សមាជិក​ពានរង្វាន់​លី​គ​កំពូល​កម្ពុជា នៅ​ល្ងាច​ថ្ងៃ​អង្គារ ទី​១២ ខែធ្នូ ឆ្នាំ​២០១៨ ​បាន​បង្ហោះ​នៅលើ​ទំព័រ​ហ្វេ​ស​ប៊ុ​ក​ផ្លូវការ​របស់ខ្លួន​ពី​សមាជិក​ថ្មី​១​រូប​ទៀត​ជា​ខ្សែប្រយុទ្ធ​ជនជាតិ​កួ​រ៉េ​ខាងត្បូង ក្នុង​បញ្ជី​កីឡាករ​បរទេស ដើម្បី​ត្រៀមខ្លួន​ប្រកួត​ក្នុង​រដូ​វ​កាល​ឆ្នាំ​២០១៩ ខាងមុខ​។

​សមាជិក​ថ្មី​នេះ មាន​ឈ្មោះថា Tae Woong Kim ជា​កីឡាករ​បរទេស​សញ្ជាតិ​កូរ៉េខាងត្បូង មាន​វ័យ​២៣​ឆ្នាំ លេង​ក្នុងតួនាទី​ជា​ខ្សែបម្រើ​ប្រយុទ្ធ ក្នុង​កិច្ចសន្យា​ជាមួយ​ក្លឹប​រយៈពេល​១​ឆ្នាំ​។ ក្រោយ​ចុះហត្ថលេខា​ជាមួយ​ក្លិប​ភ្លាម Kim ក៏បាន​ចូល​ហ្វឹកហាត់​ជា​ផ្លូវការ​តែម្តង​។ កីឡាករ Tae Woong Kim ធ្លាប់ជា​សមាជិក​នៃ​ក្រុម Won Kwang Digital University ( ឆ្នាំ​២០១៣-២០១៥ ) ឆ្នាំ​២០១៥​នៅ​ស្រុកកំណើត​មុន​វិវឌ្ឍន៍​ខ្លួន​ចូល​លី​គ​អាជីព ជាមួយ​ក្លឹប Cheon Ahn City Hall FC ឆ្នាំ​២០១៧ ហើយ​បន្ត​ចូលរួម​ជាមួយ Seoul United នៃ​លី​គ​ទី​៣​កូរ៉េខាងត្បូង និង​ឆ្នាំ​២០១៨​កន្លងទៅ បាន​ចេញមក​ប្រកប​អាជីព​ជាមួយ​ក្លិប​Ranong United នៅ​លី​គ​ទី​៣​ថៃ​។​

​យោងតាម​ការកំណត់រ​បស់​សហព័ន្ធ​កីឡាបាល់ទាត់​កម្ពុជា (​ស​.​ប​.​ក​) បាន​បញ្ជាក់ថា​ក្លិប​ជា​សមាជិក​របស់​លី​គ​ខ្លួន​មាន​សិទ្ធិ​ចុះបញ្ជី​កីឡាករ​បរទេស​ចំនួន​៥​នាក់​ប៉ុន្តែ​ដាច់ខាត​ក្នុង​ត្រូវតែមាន​កីឡាករ​ជា​ជនជាតិ​សមាជិក​ទ្វីបអាស៊ី ១​រូប​។ មកទល់ពេលនេះ ភ្នំពេញ​ក្រោ​ន មាន​កីឡាករ​បរទេស​៣​នាក់​ហើយ​នៅក្នុង​ក្រុម បូក​ទាំង​កីឡាករ​ប្រេ​ស៊ី​ល​ដែល​ទើបតែ​ចុះហត្ថលេខា​កាលពី​សប្ដាហ៍​មុន រួមមាន​កីឡាករ Paulo Victor ខ្សែបម្រើ​ប្រយុទ្ធ និង​អ្នកចាំទី Leonardo Oliveira Tavares​។

​ថ្មីៗ​នេះ​ក្រុម​ភ្នំពេញ​ក្រោ​ន បានតែងតាំង​ក្បាលម៉ាស៊ីន ថ្មី​ក្រោយ​ជម្រុះ​ថ្នាក់ដឹកនាំ​ចាស់​អស់​បន្ទាប់ពី​ចប់​រដូវ​កាល​ឆ្នាំ​២០១៨​។ ចំណែក​ថ្នាក់ដឹកនាំ​ថ្មី​របស់​ក្លិប​មានដូចជា លោក លី ហៀ​ង ជា​អ្នកចាត់ការ​ទូទៅ​ក្លិប ចំណែក លោក Leonardo Vitorino ជា​គ្រូ​បង្គោល​ថ្មី ស្របពេល​ប្អូនប្រុស​របស់ខ្លួន Luis Fernando Vitorino កាន់តំណែង​ជា​គ្រូបង្វឹក​អ្នកចាំទី​ឈុត​ធំ​។ អតីត​គ្រូ​វេ​ស្ទើ​ន លោក ស៊ុំ វណ្ណា បានទទួល​តំណែង​ជា​គ្រូ​ជំនួយ​ក្រុម​ឈុត​ធំ ខណៈដែល​អតីត​ខ្សែប្រយុទ្ធ កែវ សុខ​ង៉​ន ជា​អ្នកចាត់ការ​ទូទៅ​ក្រុម​ឈុត​ធំ​។​

​សូមបញ្ជាក់ថា​នៅ​រដូវ​កាល​ឆ្នាំ​២០១៨ ថ្មីៗ​នេះ​ក្នុង​ពានរង្វាន់​លី​គ​កំពូល​កម្ពុជា ក្រុម​ភ្នំពេញ​ក្រោ​ន រក្សា​ចំណាត់ថ្នាក់​លេខ​៥​ក្រោយ​ប្រកួត​បាន​២២​លើក ឈ្នះ​បាន​១១​លើក ស្មើគ្នា​៣​លើក​និង​ចាញ់​៨​លើក​មាន​៣៦​ពិន្ទុ ពោលគឺ​ចាញ់​ក្រុម​កំពូល​តារាង​ណាហ្គា​វើ​ល រហូតដល់​២០​ពិន្ទុ​។ ភ្នំពេញ​ក្រោ​ន ទាត់​ប​ញ្ចូល​ទី​គូប្រកួត​បាន​៤១​គ្រាប់ ហើយ​គេ​ទាត់​ចូល​វិញ​ចំនួន​៣៣​គ្រាប់​។ ចំណែក​នៅក្នុង​ពានរង្វាន់​សម្តេច​តេ​ជោ ហ៊ុន សែន (Hun Sen Cup)​វិញ​ក្រុម​ក្រុម​ភ្នំពេញ​ក្រោ​ន បាន​ធ្លាក់​ចេញ​ត្រឹម​វគ្គ​៨​ក្រុម​ចុងក្រោយ បន្ទាប់ពី​ចាញ់​ក្រុម​អង្គ​រថា​យ​ហ្គឺ​រ ដែល​មកពី​ខេត្តសៀមរាប ដោយ​បាល់​ប៉េ​ណាំង​ទី​កាត់សេចក្តី​៤​ទល់​៣ ក្រោយ​ប្រកួត​ស្មើគ្នា​ទាំង​២​ជើង​៤​ទល់​៤៕


​

Source: Kampuchea Thmey Daily