ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី៧ ខែធ្នូ ឆ្នាំ២០១៨ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន៦លើក ( យប់៤លើក ) បណ្តាលឲ្យមនុស្សស្លាប់១នាក់ ( ប្រុស ) រងរបួសធ្ងន់៦នាក់ ( ស្រី១នាក់ ) និងរងរបួសស្រាល១នាក់ ( ប្រុស ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព២នាក់ ( យប់គ្មាន )។
នៅក្នុងករណីគ្រោះថ្នាក់ចរាចរណ៍ទាំង៦លើកនេះ បានបណ្តាលឲ្យមានការខូចខាតយានយន្តសរុប ១០គ្រឿង ក្នុងនោះមាន ម៉ូតូ ចំនួន៦គ្រឿង រថយន្តធុនតូច ចំនួន២គ្រឿង និងរថយន្តធុនធំ ចំនួន២គ្រឿង។
របាយការណ៍ខាងលើប្រាប់បន្តថា មូលហេតុ ដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី មិនគោរពសិទ្ធិ៣លើក , ប្រជែងគ្រោះថ្នាក់១លើក ( ស្លាប់១នាក់ ) , និង បត់គ្រោះថ្នាក់២លើក។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន២លើក និងផ្លូវខេត្ត ចំនួន៤លើក។ ដោយឡែកយានយន្តដែលបង្កហេតុ រួមមាន ម៉ូតូ ចំនួន៣លើក រថយន្តធុនតូច ចំនួន២លើក និងរថយន្តធុនធំ ចំនួន ១លើក។
រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់ រួមមាន ភ្នំពេញ៤លើក របួស៥នាក់ ខេត្តកំពង់ចាម១លើក ស្លាប់១នាក់ និងខេត្តបន្ទាយមានជ័យ១លើក របួស២នាក់។
យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា គ្រោះថ្នាក់ចរាចរណ៍ រយៈពេល៧ថ្ងៃ គិតចាប់ពីថ្ងៃទី១ ដល់ថ្ងៃទី៧ ខែធ្នូ ឆ្នាំ២០១៨ កើតឡើង៧៣លើក បណ្ដាលឲ្យមនុស្សស្លាប់៣២នាក់ របួសសរុប១០១នាក់ ក្នុងនោះរបួសធ្ងន់៦៨នាក់ និងរងរបួសស្រាល៣៣នាក់៕
Source: Kampuchea Thmey Daily
0 Comments