ក្រុមជួយសង្គ្រោះ បាននិយាយប្រាប់ AFPថា កីឡាការិនីអង់គ្លេស Susie Goodall ដែលបានចូលរួមប្រណាំងជិះទូកក្តោង Golden Globe Race ត្រូវបានគេស្រង់ចេញពីមហាសមុទ្រ Southern Ocean ដែលជួបព្យុះ ដោយនាវាចិន កាលពីថ្ងៃសុក្រ រយៈពេល១ថ្ងៃ ក្រោយពីទូករបស់នាង បានខូច។
កីឡាការិនី Goodall ត្រូវបានជួយសង្គ្រោះកាលពីវេលាម៉ោង១៥ ម៉ោងសកល ហើយបច្ចុប្បន្ននាងនៅលើនាវាដែលកំពុងធ្វើដំណើរឆ្ពោះទៅកាន់ទីក្រុង Punta Arenas ស្ថិតនៅតំបន់ភាគខាងត្បូងប្រទេសឈីលី។
រូបថតបង្ហោះតាម Twitterដោយក្រុមជួយសង្គ្រោះ ឃើញនាង Goodall មានក្រណាត់រុំក្បាល នៅលើទូក Tian Fu ដែលដោតទង់ជាតិហុងកុង។
ក្រុមអ្នករៀបចំការប្រណាំង Golden Globe Race បានប្រកាសនៅលើវែបសាយរបស់ពួកគេថា នាង Susie នៅលើនាវាហើយ ពិតជាអស្ចារ្យខ្លាំងណាស់! សារមួយនេះ ទើបតែទទួលបានពីនាង Susie Goodall ។
ពួកគេបានបន្តទៀតថា នេះគឺជាព័ត៌មានដ៏អស្ចារ្យមួយ នាង Susieពិតជាធ្វើបានល្អខ្លាំងណាស់។
សូមបញ្ជាក់ថា ទូក Tian Fu ដែលមានចំណុះ៤៤.០០០តោន ត្រូវបានគេរំពឹងថា នឹងធ្វើដំណើរមកដល់ទីក្រុង Punta Arenas នៅថ្ងៃទី១២ ខែធ្នូខាងមុខនេះ៕
Source: Kampuchea Thmey Daily
0 Comments