ភ្នំពេញ ៖ រយៈពេល៣ថ្ងៃ ពីថ្ងៃទី ២៩ ៣០ ៣១ ខែធ្នូ ឆ្នាំ២០១៨ នៅក្នុងបរិវេណក្បែរ វិមាន ឈ្នះ ឈ្នះ មានសន្តិសុខរៀបរយសណ្ដាប់ធ្នាប់របស់ខណ្ឌដូនពេញ បានមកបើកទីលានផ្ញើឡាន ម៉ូតូ ដោយអត់យកប្រាក់ជូនដល់ប្រជាពលរដ្ឋដែលចូលមកកម្សាន្តសប្បាយក្នុងថ្ងៃសម្ពោធនោះទេ។
ក្នុងថ្ងៃ២៩ធ្នូ ជាថ្ងៃទី១ នៃការដាក់សម្ពោធ វិមាន ឈ្នះឈ្នះ ឋិតក្រោមអធិបតីយភាពសម្ដេចតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។
ក្រោយពីទទួលបានបទបញ្ជាថ្នាក់លើពីគណៈអភិបាលខណ្ឌដូនពេញ ក្រុមសន្តិសុខ និងរៀបរយសណ្ដាប់ធ្នាប់ខណ្ឌដូនពេញ បានបើកទីលានផ្ញើកង់ម៉ូតូ ជាចំហសាធារណៈ ដោយមិនយកលុយពីអ្នកផ្ញើម៉ូតូឡានទាំងនោះឡើយ។ តាមការបញ្ជាក់របស់ លោក សាមិត សន្តិសុខខណ្ឌដូនពេញបានមានប្រសាសន៍ថា ការបើកលានទីតាំងផ្ញើឡានម៉ូតូ ដោយមិនគិតយកប្រាក់នេះ គឺជាបញ្ជារបស់ថ្នាក់លើក្នុងការអនុគ្រោះជួយសម្រួលដល់ប្រជាពលរដ្ឋយើងដែលមកពីគ្រប់ទិសទីមកកម្សាន្តក្នុងថ្ងៃសម្ពោធវិមានឈ្នះឈ្នះនេះ។
គួររំលឹកថា នៅក្នុងតំបន់វិមានឈ្នះឈ្នះ នេះ មានការដាក់ផ្ញើកងម៉ូតូ២ទៅ៣កន្លែង ដែលសុទ្ធសឹងយកប្រាក់ក្នុងម៉ូតូ១គ្រឿង២០០០រៀល ដោយចម្លែកតែសន្តិខណ្ឌដូនពេញបានលះបង់នូវពេលវេលាចុះមករៀបចំកន្លែងផ្ញើឡានម៉ូតូ ដោយឥតគិតថ្លៃ ពោលគឺជាគំរូដ៏ល្អដែលយើងឃើញថា បើប្រៀបធៀបកន្លែងផ្ញើម៉ូតូឡាននីមួយៗក្នុង១ថ្ងៃៗមិនតិចម៉ឺនរៀលទេ ដែលទទួលបានចំណូលទាំងនេះ៕
Source: Kampuchea Thmey Daily
0 Comments