បន្ទាយមានជ័យ ៖ ទំនាស់ដីធ្លីរលើផ្ទៃដីទំហំ៦០.៨៦៩ម៉ែត្រការ៉េបរិវេណតំបន់បង្គោលព្រំដែនលេខ៤៣គ្រោងបើកច្រកលេខ៤៣ដែលកើតមានរ៉ាំរ៉ៃនិងអូសបន្លាយជាច្រើនឆ្នាំត្រូវបានប្រជុំដោះស្រាយនៅថ្ងៃទី១១ ខែធ្នូ ឆ្នាំ២០១៨ នៅសាលាខេត្តបន្ទាយមានជ័យ។
ក្នុងកិច្ចប្រជុំដោះស្រាយទំនាស់ដីធ្លីតំណាងភាគីដើមបណ្តឹងឈ្មោះ ហេង ម៉េង បានប្រាប់ថា ដីទំនាស់គឺគាត់ទិញពីឈ្មោះ កែវ ណារិន ជាមន្ត្រីយោធាបានលក់ឲ្យមានផ្ទៃដីទំហំ៦០.៨៦៩ម៉ែត្រការ៉េនៅចំណុចបរិវេណតំបន់បង្គោលព្រំដែនលេខ៤៣ស្ថិតភូមិសាស្គ្រភូមិឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
ក្រោយពេលទិញស្របពេលបើកច្រកលេខ៤៣ជាប់ព្រំកម្ពុជា-ថៃ ក្រោយពេលទិញគ្រោងអភិវឌ្ឍន៍ស្រាប់តែឈ្មោះ សំ ផាន់ណារិទ្ធ មានមុខងារជាឧកញ៉ាថា ជាដីរបស់ខ្លួនទៅវិញ។
លោក យូ វ៉ាងយុង ជាម្ចាស់ដីដែលទិញដែលមានឯកសារគ្រប់គ្រាន់បានប្តឹងទប់ស្កាត់ឈ្មោះ សំ ផាន់ណារិទ្ធ មិនឲ្យចុះបញ្ជីកម្មសិទ្ធរង់ចាំការដោះស្រាយត្រូវបញ្ចប់។ ដោយឡែកដើមបណ្តឹងម្នាក់ទៀតលើកឡើងថា គាត់បានទិញដីពីឈ្មោះ សុំ ផាន់ណារិទ្ធ ដែលមានផ្ទៃដី៦ហិកតានៅចំណុចបរិវេណបង្គោលព្រំដែនលេខ៤៣ដូចគ្នា ក្រោយពេលទិញហើយគ្រោងអភិឌ្ឍន៍បានឈូសឆាយស្រាប់ប្រជាពលរដ្ឋជាច្រើនគ្រួសារបាននាំគ្នាមកតវ៉ាមិនឲ្យឈូសឆាយដោយពួកគាត់ថាដីរបស់ពួកគាត់ទៅវិញ។ហើយឲ្យឈ្មោះ សំ ផាន់ណារិទ្ធ ដែលជាអ្នកលក់ដីឲ្យដោះស្រាយទំនាស់ឲ្យបញ្ចប់ជាមួយប្រជាពលរដ្ឋតវ៉ារហូតពេលនេះមិនបានដោះស្រាយបញ្ចប់នៅឡើយ។
ឈ្មោះ សំ ផាន់ណារិទ្ធបានបញ្ជាក់ថា ដីដែលមានទំនាស់ឈ្មោះ ហេង ម៉េង ដែលបានប្តឹងនោះគឺលោកមានប័ណ្ណកម្មសិទ្ធស្របច្បាប់ព្រោះដីនេះត្រូវបានដោះស្រាយផលប៉ះពាល់ជាមួយប្រជាពលរដ្ឋថៃចំនួន៥០នាក់និងក្រុមហ៊ុនភូយិងបុផ្តាថៃ ដែលបានបង្កបង្កើនផលក្នុងបរិវេណតំបន់បង្គោលព្រំដែនលេខ៤៣ចំនួន៨០០រ៉ៃ ត្រូវបានចប់រួចរាល់ហើយ។
លោក លី សារី អភិបាលរងខេត្តបន្ទាយមានជ័យបានបញ្ជាក់ថា ទំនាស់ដីធ្លីចំណុចបរិវេណបង្គោលព្រំដែនលេខ៤៣គ្រោងបើកច្រកព្រំដែនកម្ពុជា-ថៃ គឺមានទំនាស់រ៉ាំរ៉ៃដែលជាប់គាំងជាច្រើនឆ្នាំដែលដោះស្រាយមិនចេញនោះទើបថ្ងៃនេះដោយដើមបណ្តឹងឈ្មោះ ហេង ម៉េង បានប្តឹងឈ្មោះ សុំ ផាន់ណារិទ្ធ ដែលជាចុងបណ្តឹងដើម្បីទប់ស្កាត់មិនឲ្យធ្វើប័ណ្ណកម្មសិទ្ធតែផ្ទុយទៅវិញចុងបណ្តឹងបានបង្ហាញប្លង់កម្មសិទ្ធិលើដីទំនាស់ទៅវិញ។
លោកបានបញ្ជាក់ថា ចំពោះដីទំនាស់ដែលមានប័ណ្ណកម្មសិទ្ធិ គឺគណៈកម្មការដោះស្រាយវិវាទដីធ្លីខេត្តគ្មានសិទ្ធដោះស្រាយជូនឡើយ ហើយភាគីទាំងពីរត្រូវប្តឹងផ្តល់ទៅសាលាដំបូងខេត្តទៅតាមផ្លូវច្បាប់បន្តទៅ៕
Source: Kampuchea Thmey Daily
0 Comments