កាលពីថ្ងៃអង្គារ ក្រុមជម្រើសជាតិម៉ាឡេស៊ី សម្រេចបានលទ្ធផល ២-២ស្មើជាមួយវៀតណាមនៅជើងទី១វគ្គផ្តាច់ព្រ័ត្រ AFF Suzuki Cup។
ទោះបីជាយ៉ាងណាក៏ដោយ ក្រុមជម្រើសជាតិវៀតណាម ធ្វើដំណើរទៅការប្រកួតជើងទី១នៅក្នុងទឹកដីខ្លួនឯងក្នុងទីក្រុងហាណយ នាថ្ងៃសៅរ៍ខាងមុខនេះ ក្នុងនាមជាក្រុមមានសង្ឃឹមច្រើនក្នុងការលើកជើងឯក ដោយសារ២គ្រាប់នៅក្រៅទឹកដីរបស់ពួកគេ ខណៈពេលដែលប្រទេសទាំង២ព្យាយាមឈ្នះជើងឯកបាល់ទាត់ក្នុងតំបន់មួយនេះ ជាលើកទី២ដូចៗគ្នានោះ។
ក្រោយការវាយសម្រុកដូចទឹកបាក់ទំនប់ពីក្រុមម្ចាស់ផ្ទះ ក្រុមជម្រើសជាតិវៀតណាម បានធ្វើការនាំមុខ២គ្រាប់ទៅហើយត្រឹមរយៈពេល២៥នាទីប៉ុណ្ណោះ។
កីឡាករ Phan Van Duc បានព្យាយាមបំបែកពងមាន់ក្រុមម៉ាឡេស៊ី ពេលដែលគាត់ទទួលបាល់បញ្ជូនពីកីឡាក Doan Van Hau រួចបញ្ជូនបន្តឲ្យកីឡាករ Nguyen Huy Hung ដែលពេនមួយជើងកាត់អ្នកចាំទី Farizal Marlias ដោយជោគជ័យ។
កីឡាករ Pham Duc Huy បន្ថែមគ្រាប់បាល់ទី២ ដើម្បីនាំមុខមុខ២-០ ពេលដែលការស៊ុតបាល់របស់គាត់ មិនបានធ្វើឲ្យអ្នកចាំទី Farizal មានឱកាសចាប់បាល់នោះទេ។
ទោះបីជាយ៉ាងណាក៏ដោយ ក្រុមជម្រើសជាតិម៉ាឡេស៊ី ដណ្តើមបាន១គ្រាប់មកវិញនៅនាទី៩ មុនពេលបញ្ចប់ការប្រកួតតង់ទី១ ពេលដែលកីឡាករ Shahrul Saad តែតបាល់បញ្ចូលទីបានសម្រេចពីការលើកបាល់ពិន័យ Free-kickពីកីឡាករ Saymer Kutty Abba មុនពេលដែលកីឡាករ Safawi Rashid បន្ថែមគ្រាប់បាល់ទី២ សម្រាប់ក្រុមម្ចាស់ផ្ទះ៕
Source: Kampuchea Thmey Daily
0 Comments