ដឹ ភី​ហ្សា ខម​ផេ​នី បានរៀបចំ​កម្មវិធី​ប្រកួតប្រជែង​រក​បុគ្គលិក​ឆ្នើម ​ប្រចាំ​ឆ្នាំ​២០១៨

ភ្នំពេញ ៖ នេះ​ជា​ឆ្នាំ​ទី​៨ ហើយ​ ដែល ដឹ ភី​ហ្សា ខម​ផេ​នី (The Pizza Company) បាន​ប្រារព្ធ​កម្មវិធី The Pizza Company Excellence Award ដើម្បី​ប្រកួតប្រជែង​រក​ក្រុម​បុគ្គលិក​ឆ្នើម​ប្រចាំ​ឆ្នាំ​។​
​
ព្រឹត្តិការណ៍​នេះ បាន​ធ្វើឡើង​ចាប់ពី​ថ្ងៃទី​០៦ ​ខែធ្នូ ឆ្នាំ​២០១៨ នៅ​សាខា ដឹ ភី​ហ្សា ខម​ផេ​នី សាខា​ព្រែក​លាភ ក្នុងនោះ​មានការ​ចូលរួម​ពី​ក្រុម​បុគ្គលិក​ទាំង​២៩​សាខា របស់ ដឹ ភី​ហ្សា ខម​ផេ​នី មកពី​ទី​ក្រុង​ភ្នំពេញ ក្រុង​សៀមរាប ក្រុងព្រះសីហនុ ក្រុង​បាត់ដំបង ក្រុង​ប៉ោយប៉ែត និង​ក្រុង​កំពង់ចាម​។​
​
ក្រុម​ដែល​ទទួលបាន​ជ័យ​លាភី Excellence Award 2018 គឺ​បាន​ទៅលើ ដឹ ភី​ហ្សា ខម​ផេ​នី សាខា ទួល​គក ហើយ​ក្រុម​ដែល​ទទួលបាន​ជ័យលាភី នឹង​បាន​ទទួល​ពានរង្វាន់​ជា​ទឹកប្រាក់​ចំនួន​១,៦០០,០០០ រៀល​។ ក្រៅពីនេះ ក៏មាន​ម្ចាស់​ពានរង្វាន់​ចំនួន​៤​ផ្សេង​ទៀង ដូចជា ៖ ក្រុម ដឹ ភី​ហ្សា ខម​ផេ​នី ស្ទឹង​មាន​ជ័យ ទទួល​បាន​ជ័យ​លាភី​លើ​ផ្នែក​ធ្វើ​ម្សៅ (Best Dough Maker Award 2018) ក្រុម ដឹ ភី​ហ្សា ខម​ផេ​នី សាខា​ច្បារអំពៅ ទទួលបាន​ជ័យលាភី​លើ​ផ្នែក ផ្ដល់​សេវាកម្ម​ល្អ​បំផុត (Best Service Maker Award 2018) ក្រុម ដឹ ភី​ហ្សា ខម​ផេ​នី សាខា អ៊េ​ត​វ៉ូត ទទួលបាន​ជ័យលាភី​លើ​ផ្នែក​ធ្វើ​ភី​ហ្សា​ល្អ​បំផុត (Best Pizza Making Award 2018) និង​ក្រុម ដឹ ភី​ហ្សា ខម​ផេ​នី សាខា​ព្រែកលៀប ទទួលបាន​ជ័យលាភី​លើ​ផ្នែក​សាវា​ដឹង​ជញ្ជូន​ល្អ​បំផុត (Best Delivery Award 2018)​។​
​
លោក ​អ៊ូ គីម​ហូ​វ នាយក​ប្រតិបត្តិ ដឹ ភី​ហ្សា ខម​ផេ​នី បាន​មាន​ប្រសាសន៍​ថា កម្មវិធី​នេះ​ធ្វើឡើង ក្នុង​គោលបំណង​៣​សំខាន់ គឺ​ដើម្បី​ពង្រឹង​លើ​ផ្នែក​ស្តង់ដារ​ប្រតិបត្តិ​ខាង​ផលិតផល បូក​រួមទាំង​ការធ្វើ​ម្សៅ​ដូ​ហ្វ ការធ្វើ​ភី​ហ្សា ការ​ចំអិន​ផាស​តា អនាម័យ ការចាត់ចែង​ក្នុង​ហាង និង​ការបម្រើ​សេវាកម្ម​លំដាប់ថ្នាក់​ពិភពលោក ហើយ​យើង​ចង់​ប្រែក្លាយ​កម្មវិធី​នេះ​ឲ្យ​បុគ្គលិក​អភិវឌ្ឍន៍​ពង្រឹងសមត្ថភាព​ខ្លួន និង​ដើម្បី​ធានា​គុណភាព​គ្រប់គ្រង​កិច្ចការ​ប្រកបដោយ​ការទទួលខុសត្រូវ​ជា​ក្រុម​។​
​
ឆ្លៀត​ក្នុងឱកាស​នេះដែរ លោក ង​ន សាំង នាយក​ប្រតិបត្តិ​ នៃ​ក្រុមហ៊ុន អ អិ​ម អេ ខេ​ម​បូ​ឌា បាន​មាន​ប្រសាសន៍​ប្រាប់​អ្នកសារព័ត៌មាន​ថា ជា​លើក​ទី​៧​ហើយ ដែល​បុគ្គលិក​របស់ ដឹ ភី​ហ្សា ខម​ផេ​នី មក​ជួប​ជុំគ្នា ដើម្បី​ស្វែងរក​ម្ចាស់​ពានរង្វាន់​ល្អ​ប្រសើរ​ប្រចាំ ដឹ ភី​ហ្សា ខម​ផេ​នី​។

លោក ក៏បាន​បញ្ជាក់​ផងដែរ​ថា ដឺ ភី​ហ្សា ខម​ផេ​នី តែងតែ​ផ្ដល់នូវ​វគ្គ​ហ្វឹកហាត់​ដល់​បុគ្គលិក​របស់​ខ្លួន​ជា​ប្រចាំ​ទៅលើ​ការ​ធ្វើ​នំ​ភី​ហ្សា និង​បម្រើ​សេវាកម្ម​ទៅតាម​ស្តង់ដារ​ដែល​បាន​កំណត់​ជាដើម ហើយ​កម្មវិធី​នេះ ក៏​ជា​ផ្នែក​មួយ នៃ​វគ្គ​បណ្ដុះបណ្ដាល​ផ្សេងៗ​ទៀតផង​ដែរ ដើម្បី​ឲ្យ​បុគ្គលិក រំលឹក​នូវ​ជំនាញ និង​សមត្ថភាព​របស់​ខ្លួន ក្នុងពេល​ជាមួយគ្នា​។

ក្រៅពីនេះ បុគ្គលិក​ទាំងអស់ ក៏បាន​ទទួល​វគ្គ​បណ្ដុះបណ្ដាល​វិជ្ជាជីវៈ​ផ្សេងៗ​ទៀត ដូចជា ​ជំនាញ​ភាព​ជា​អ្នកដឹកនាំ​ជាដើម​។ លោក បាន​បន្ថែមថា មកដល់​សព្វថ្ងៃនេះ ហាង ដឹ ភី​ហ្សា ខម​ផេ​នី មាន​សាខា​រហូតដល់​២៩​ទូទាំង​ប្រទេស ហើយ ​គ្រោង​នឹង​បើកហាង​ចំនួន​២​បន្ថែមទៀត ​ក្នុង​រយៈពេល​ដ៏​ខ្លី​ខាងមុខនេះ​។​
​
ហាង ដឹ ភី​ហ្សា ខម​ផេ​នី (The Pizza Company) ជា​ស្លាក​សញ្ញា​ដែល​ទទួលបាន​ការទិញ​សិទ្ធិផ្ដាច់មុខ​ដោយ​ក្រុមហ៊ុន អ៊ី អេ​ហ្វ ជី (EFG) ដែលជា​បុត្រ​សម្ព័ន្ធ​របស់​ក្រុមហ៊ុន អ អិ​ម អេ ខេ​ម​បូ​ឌា (RMA Cambodia) ហើយ​មកដល់​សព្វថ្ងៃនេះ ក្រុមហ៊ុន អ៊ី អេ​ហ្វ ជី មាន​ហាង​ច្រើនជាង​៥០​ហាង និង​មាន​បុគ្គលិក​ជិត​២.០០០​នាក់ បាន​បម្រើការ​ក្នុង​ហាង​របស់ខ្លួន​។

ក្រៅពី ដឺ ភី​ហ្សា ខម​ផេ​នី ក្រុមហ៊ុន អ៊ី អេ​ហ្វ ជី ក៏បាន​នាំចូល និង​ចែកចាយ​ផ្ដាច់មុខ​នូវ​ផលិតផល​ម្ហូបអាហារ​ល្បីៗ លើ​ពិភពលោក​ជាច្រើន​ទៀត ដូចជា​កាហ្វេ​ខូ​ស្តារ (Costa Coffee) ការ៉េម ស្វិ​ន​សិន (SWENSEN’S) ការ៉េម​នំ​ដេ​រី​ឃ្វី​ន​(Dairy Queen) នំ​ដូ​ហ្វ​ណាត់ គ្រី​ស្ពី​គ្រី​ម (Krispy Kreme Doughnut) និង​ហាង បា​ប៊ី ឃ្យូ​ផ្លា​ហ្សា (BAR B Q PLAZA) ៕



Source: Kampuchea Thmey Daily