ឧត្តរមានជ័យ ៖ មានករណីអត្តឃាតដោយចង.ក សម្លាប់ខ្លួនមួយបានកើតឡើងនៅភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ កាលពីវេលាម៉ោង១០និង០០នាទី ថ្ងៃទី៣១ ខែធ្នូ ឆ្នាំ២០១៨។
សមត្ថកិច្ចបានឲ្យដឹងថា ជនរងគ្រោះ ឈ្មោះ ឡេង លេខ ភេទប្រុស អាយុ២៥ឆ្នាំ រស់នៅភូមិស្រះឈូក ឃុំត្រពាំងប្រីយ៍ ស្រុកអន្លង់វែង បានយកក្រមាចង.កសម្លាប់ខ្លួនឯងព្យួរនឹងដើមត្រសេកកម្ពស់២ម៉ែត្រ ពីដី នៅក្នុងព្រៃខាងជើង ផ្លូវជាតិលេខ៦៧ ចំណុចផ្លូវឡើងភ្នំ ចម្ងាយ៥០០ម៉ែត្រ បណ្តាលឲ្យស្លាប់។
សមត្ថកិច្ចបានបន្តទៀតថា ដោយមូលហេតុ តូចចិត្តនឹងខ្លួនកើតជំងឺអេដស៍។ ករណីនេះ បន្ទាប់ពីទទួលព័ត៌មានបានភ្លាម អធិការនគរបាលស្រុក បានចាត់តាំងកម្លាំងជំនាញ និងប៉ុស្តិ៍រដ្ឋបាល ចុះទៅពិនិត្យនៅកន្លែងកើតហេតុ ក្រោយពីស្រាវជ្រាវរួចឃើញថា ជនរងគ្រោះបានស្លាប់ដោយសារចង.កពិតប្រាកដមែន រួចហើយសមត្ថកិច្ចបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments