សមាជប្រទេសហ្វីលីពីនបានអនុម័តពង្រីកច្បាប់អាជ្ញាសឹករយៈពេល១២ ខែនៅក្នុងតំបន់ Mindanao បន្ទាប់ពីលោកប្រធានាធិបតី Rodrigo Duterte បានអះអាងថាបានរក្សាវិធានការណ៍សន្តិសុខដ៏តឹងរ៉ឹងដើម្បីបញ្ឈប់ពួកជ្រុលនិយមឥស្លាមពីការប្រមូលផ្តុំឡើងវិញ ។
សម័យប្រជុំនីតិប្បញ្ញត្តិរួមមួយបានបោះឆ្នោត ២៣៥-២៨ ដើម្បីគាំទ្រការគ្រប់គ្រងយោធារបស់កោះ Mindanao រហូតដល់ចុងឆ្នាំ ២០១៩ ដោយពន្យារពេលនូវអ្វីដែលជាច្បាប់អាជ្ញាសឹកយូរអង្វែងបំផុតរបស់ប្រទេសនេះចាប់តាំងពីរបបសម័យកាលផ្ដាច់ការឆ្នាំ ១៩៧០ របស់លោក Ferdinand Marcos ។
ភាគច្រើននៃតំបន់មូស្លីមក្រីក្ររបស់កោះ Mindanao ជាច្រើនទសវត្សមកហើយត្រូវបានរំខានដោយការលួច ប្លន់តាមសមុទ្រ និងការបះបោរប្រដាប់អាវុធដោយពួកសកម្មប្រយុទ្ធបំបែករដ្ឋ និងកុម្មុយនិស្តដែលមួយចំនួនត្រូវបានគ្រប់គ្រងដោយការផ្អាកសង្គ្រាម និងការផ្លាស់ប្ដូរវិមជ្ឈការ ។
ទោះជាយ៉ាងណាកាលពីខែឧសភាឆ្នាំកន្លងទៅបានមើលឃើញការផ្ទុះឡើងនៃជម្លោះដ៏កាចសាហាវបំផុតរបស់ប្រទេសនេះចាប់តាំងពីសង្គ្រាមលោកលើកទីពីរនៅពេលសម្ព័ន្ធភាពនៃក្រុមជ្រុលនិយមកំពុងស្វែងរកបង្កើតតំបន់រដ្ឋឥស្លាមមួយដែលបានវាយប្រហារនិងបានធ្វើឲ្យក្រុង Marawi ឆ្លងកាត់រយៈពេល ៥ ខែនៃការវាយប្រហារតាមផ្លូវអាកាស និងការវាយប្រហារលើដី ។
លោក Duterte បានសរសេរក្នុងលិខិតមួយផ្ញើទៅកាន់សមាជនោះថា "ទោះបីជាការកើនឡើងច្រើនដែលសម្រេចបានក្នុងអំឡុងពេលច្បាប់អាជ្ញាសឹកក៏ដោយក៏យើងមិនអាចបិទភ្នែកនូវការពិតដែលកោះ Mindanao កំពុងស្ថិតនៅក្នុងការបះបោរនេះ" ។
អ្នកនាំពាក្យរបស់លោក Duterte និងយោធាបានថ្លែងអំណរគុណដល់សមាជិកសភាបន្ទាប់ពីការបោះឆ្នោត ហើយបាននិយាយថា សិទិ្ធ និងសេរីភាពស៊ីវិលនឹងត្រូវបានរក្សាទុកនៅក្រោមច្បាប់អាជ្ញាស្យដើម្បីការពារក្រុមរ៉ាឌីកាល់មិនឲ្យពង្រីកលើសពីកោះ Mindanao ។
សមាជិកសភាគណបក្សប្រឆាំងបាននិយាយថា ការពន្យារពេលនេះមិនសមហេតុផលទេពីព្រោះមិនមានការបះបោរទៀតទេ ។
លោកព្រឹទ្ធសមាជិក Franklin Drilon បានប្រាប់សម័យប្រជុំនេះថា “វាធ្វើឲ្យខ្ញុំឆ្ងល់ថាតើនេះជារឿងធម្មតាថ្មីឬ? ” ។
លោក Edcel Lagman អ្នកតំណាងបាននិយាយថា អ្វីដែលនៅសេសសល់របស់ក្រុមសម្ព័ន្ធមិត្តរដ្ឋឥស្លាមនៅកោះ Mindanao គឺជាយុទ្ធជនរវើរវាយដែលមិនអាចធ្វើឲ្យមានការបះបោរឡើងវិញ ឬចាប់ផ្ដើមអ្វីមួយដែលថ្មីនោះទេ ៕ REUTERS
[caption id="attachment_1003497" align="alignnone" width="700"]
[/caption]Source: Kampuchea Thmey Daily
0 Comments