ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ឲ្យដឹងថា លទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោក គិតចាប់វេលាម៉ោង ១៤ និង០០នាទី ថ្ងៃទី៨ ខែមករា ឆ្នាំ២០១៩ ដល់វេលាម៉ោង ១៤ និង០០នាទី ថ្ងៃទី៩ ខែមករា ឆ្នាំ២០១៩ មធ្យោបាយយានយន្តល្មើស សរុប ចំនួន៥៣៥គ្រឿង អប់រំ ចំនួន១៥៩គ្រឿង និងពិន័យ ចំនួន ៣៧៦គ្រឿង។
សរុបលទ្ធផលយានយន្តល្មើសច្បាប់ចរាចរណ៍ រយៈពេល៩ថ្ងៃ គិតចាប់ពីថ្ងៃទី១ ដល់ថ្ងៃទី៩ ខែមករា ឆ្នាំ២០១៩ ចំនួន៥៩១៥គ្រឿង អប់រំ ចំនួន១៨៨០គ្រឿង និងពិន័យ ចំនួន៤០៣៥គ្រឿង។
ដោយឡែក លទ្ធផលត្រួតពិនិត្យ មួក និងកញ្ចក់ នៅក្នុងរាជធានីភ្នំពេញ រយៈពេល៩ថ្ងៃ គិតចាប់ពីថ្ងៃទី១ ដល់ថ្ងៃទី៩ ខែមករា ឆ្នាំ២០១៩ សរុបរួម ចំនួន២៣៥៥៨គ្រឿង អប់រំចំនួន១២៤៧គ្រឿង មធ្យោបាយពិន័យ ចំនួន៣០១៥គ្រឿង ( មួក២៣២២គ្រឿង និងកញ្ចក់៧១១គ្រឿង ស្រវឹង ( គ្មាន ) និងយានផ្សេងៗ ចំនួន១៤០គ្រឿង )។
លទ្ធផលត្រួតពិនិត្យល្បឿន រយៈពេល៩ថ្ងៃ គិតចាប់ពីថ្ងៃទី១ ដល់ថ្ងៃទី៩ ខែមករា ឆ្នាំ២០១៩ រកឃើញយានយន្តល្មើស ចំនួន១១៣គ្រឿង។ ចំណែក លទ្ធផល ត្រួតពិនិត្យអ្នកបើកបរមានជាតិ ស្រវឹង រយៈពេល៩ថ្ងៃ គិតចាប់ពីថ្ងៃទី១ ដល់ថ្ងៃទី៩ ខែមករា ឆ្នាំ២០១៩ រកឃើញយានយន្តល្មើស ( គ្មាន ) អប់រំ ( គ្មាន ) និងមធ្យោបាយពិន័យ ( គ្មាន )៕
Source: Kampuchea Thmey Daily
0 Comments