ភ្នំពេញ ៖ រយៈពេល០៣ថ្ងៃ អាវុធហត្ថរាជធានីភ្នំពេញ ក្នុងខណ្ឌជ្រោយចង្វា ,ឫស្សីកែវ ,ច្បារអំពៅ និងខណ្ឌទួលគោក បានធ្វើការឃាត់ខ្លួនបានជនសង្ស័យ០៧ផ្សេងគ្នាជាបន្តបន្ទាប់ រួមនឹងដកហូតបានក្រាមពណ៌សថ្លា៣៥កញ្ចប់ (ប្រភេទម៉ាទឹកកក) ,ថ្នាំគ្រាប់ពណ៌ផ្កាឈូក០៦គ្រាប់។
មន្ត្រីអាវុធហត្ថប្រាប់ឲ្យដឹងថា ជនសង្ស័យទាំង០៧នាក់ ដែលត្រូវឃាត់ខ្លួន ១/ ឈ្មោះ តុង ភារុណ ភេទប្រុស អាយុ២៨ឆ្នាំ ,២/ ឈ្មោះ យ៉េប ក្រៃ ភេទប្រុស អាយុ២៤ឆ្នាំ ,៣/ ឈ្មោះ ហ៊ីម ភីរ៉ូ ភេទប្រុស អាយុ ១៨ឆ្នាំ ,៤/ ឈ្មោះ ថាំង ប៊ុនថង ភេទប្រុស អាយុ២០ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌជ្រោយចង្វា ឃាត់ខ្លួនបានកាលពីវេលាម៉ោង២០និង៣០នាទី ថ្ងៃទី២៣ ខែមករា ឆ្នាំ២០១៩ នៅចំណុច ផ្លូវជាតិលេខ៦ ភូមិចំបក់មាស សង្កាត់បាក់ខែង ខណ្ឌជ្រោយចង្វា រាជធានីភ្នំពេញ។ ៥/ ឈ្មោះ ហម ចិន ភេទប្រុស អាយុ២៩ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌឫស្សីកែវ ឃាត់ខ្លួនបានកាលពីវេលាម៉ោង១៣និង១០នាទី ថ្ងៃទី២៤ ខែមករា ឆ្នាំ២០១៩ ចំណុច ផ្លូវ៩០៧ ភូមិចុងខ្សាច់ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។ ៦/ ឈ្មោះ លឹម ចន្ធី ភេទប្រុស អាយុ២៤ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌច្បារអំពៅ ឃាត់ខ្លួនបានកាលពីវេលាម៉ោង១៧និង៣០នាទី នៅចំណុច ច្រាំងបាក់ ភូមិដើមចាន់ទី១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។ ៧/ ឈ្មោះ ឆាង ង៉ា ភេទប្រុស អាយុ១១ឆ្នាំ (អនីតិជន) ក្មេងមិនទាន់គ្រប់អាយុ ត្រូវបានកម្លាំងល្បាតមូលដ្ឋានអាវុធហត្ថខណ្ឌទួលគោក ឃាត់ខ្លួនបានកាលពីវេលាម៉ោង ១២ និង១០នាទី ថ្ងៃទី២៥ ខែមករា ឆ្នាំ២០១៩ នៅចំណុចប្លុករោងចក្រឆ្នាំង ភូមិ២៣ ផ្លូវរថភ្លើង សង្កាត់បឹងកក់២ ខណ្ឌទួលគោក រាជធានីភ្នំពេញ។
ក្រោយពេលឃាត់ខ្លួនបាន ពួកគេទាំង០៧នាក់ បានសារភាពឲ្យដឹងថា ពិតជាជាប់ពាក់ព័ន្ធករណីគ្រឿងញៀនពិតប្រាកដមែន ទើបសមត្ថកិច្ចជំនាញ នៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានប្រមូលវត្ថុតាង និងកសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
Source: Kampuchea Thmey Daily
0 Comments