កំពង់ស្ពឺ ៖ ក្រុមមុខសញ្ញា សង្ស័យ ពាក់ព័ន្ធករណីជួញដូរសារធាតុញៀនខុសច្បាប់៧នាក់ ត្រូវបានកម្លាំងនគរបាលស្រុកភ្នំស្រួច ធ្វើការឃាត់ខ្លួន រួមជាមួយវត្ថុតាងមួយចំនួនធំ។
ប្រតិបត្តិការកាលពីថ្ងៃចន្ទទី២៨ ខែមករា ឆ្នាំ២០១៩ នៅវេលាម៉ោង១១និង០០នាទី ដោយឃាត់ខ្លួនមុខសញ្ញាគ្រឿងញៀនចំនួន៧នាក់ នៅចំណុចផ្ទះរបស់ ឈ្មោះ លន់ យុត្ថា ភេទប្រុស អាយុ២៤ឆ្នាំនៅភូមិប្រាសាទ ឃុំមហាសាំង ស្រុកភ្នំស្រួច (ផ្ដល់ទីតាំងប្រព្រឹត្តបទល្មើស)។
ជនសង្ស័យរួមមាន ១-ឈ្មោះ ឈឿន រ៉ា ភេទប្រុស អាយុ៣១ឆ្នាំ មុខរបរគ្មាន នៅភូមិសំប៉ានកោះធំ ឃុំតាំងក្រូច ស្រុកសំរោងទង, ២-ឈ្មោះ លន់ យុទ្ធា ភេទប្រុស អាយុ២៥ឆ្នាំ មុខរបរគ្មាន, ៣-ឈ្មោះ លន់ យុត្ថា ភេទប្រុស អាយុ២៤ឆ្នាំ មុខរបរគ្មាន, ៤-ឈ្មោះ លន់ ម៉ៅ ភេទប្រុស អាយុ១៩ឆ្នាំ អ្នកទាំង ០៣នាក់ រស់នៅភូមិប្រាសាទ ឃុំមហាសាំង ស្រុកភ្នំស្រួច, ៥-ឈ្មោះ ឃឹម ទឹត្យថេ ភេទប្រុស អាយុ១៨ឆ្នាំ នៅភូមិសេរីវន្ដ ឃុំមហាសាំង ស្រុកភ្នំស្រួច, ៦-ឈ្មោះ ជា សុលីម ភេទប្រុស អាយុ៣១ឆ្នាំ នៅភូមិព្រះខែ ឃុំធម្មតាអរ ស្រុកសំរោងទង, ៧-ឈ្មោះ សៅ វណ្ណៈ ភេទប្រុស អាយុ២៩ឆ្នាំ នៅភូមិសេរីវន្ដ ឃុំមហាសាំង ស្រុកភ្នំស្រួច។
ក្នុងប្រតិបត្តិការ ដកហូតម្សៅក្រាម ពណ៌សថ្លា ចំនួន១៣កញ្ចប់ (តូច១០ មធ្យម២ ធំ១) ទូរស័ព្ទដៃចាស់០១គ្រឿង សម្ភារៈវេចខ្ចប់ និងឧបករណ៍សម្រាប់ប្រើប្រាស់គ្រឿងញៀនមួយចំនួនទៀត។
បច្ចុប្បន្ន ផ្នែកប្រឆាំងគ្រឿងញៀនស្រុក បានកសាងសំណុំរឿងបញ្ជូនទៅការិយាល័យជំនាញខេត្តដើម្បីចាត់ការតាមនីតិវិធីច្បាប់៕
Source: Kampuchea Thmey Daily
0 Comments