បន្ទាយមានជ័យ ៖ នៅព្រឹក ថ្ងៃទី២៨ ខែមករា ឆ្នាំ២០១៩នេះ មានបុរសវ័យចំណាស់ម្នាក់ បានយកឫស្សីស្រស់លើកបង្គោលភ្លើងមិនប្រយ័ត្នទាក់ប៉ះខ្សែភ្លើងឆក់ស្លាប់ ពេលដែលបញ្ជូនដល់មន្ទីរពេទ្យ ស្ថិតនៅភូមិបែកចានចាស់ ឃុំបែកចានចាស់ ស្រុកស្វាយចេក ខេត្តបន្ទាយមានជ័យ។
លោក ជា ស្លូញ អធិការស្រុកស្វាយចេក បានឲ្យដឹងថា បុរសដែលត្រូវខ្សែភ្លើងឆក់នោះមានឈ្មោះ យូរ៉ា ដែន ភេទប្រុស អាយុ៣៨ឆ្នាំ រស់នៅភូមិបែកចានចាស់ ឃុំបែកចានចាស់ ស្រុកស្វាយចេក ខេត្តបន្ទាយមានជ័យ។
លោក ជា ស្លូញបានបញ្ជាក់ឲ្យដឹងទៀតថា មុនពេលកើតហេតុនោះ ជនរងគ្រោះ បានយកឫស្សីស្រស់លើកបង្គោលភ្លើងមិនប្រយ័ត្នទាក់ប៉ះខ្សែភ្លើង ដោយសារជើងមានជាតិសើម និងឫស្សីស្រស់បណ្តាលឲ្យឆក់ ស្រាប់តែប្រពន្ធបានឃើញប្តីត្រូវខ្សែភ្លើងឆក់ ក៏បានយកអាវទាញចេញពីបង្គោលឫស្សី ហើយជនរងគ្រោះបានសន្លប់ស្តូកស្តឹង ត្រូវបានដឹកទៅសង្គ្រោះនៅមន្ទីរពេទ្យស្រុកស្វាយចេក។ ពេលនោះ ដោយស្ថានភាពធ្ងន់ធ្ងរពេក ក៏បានដឹកបញ្ជូនទៅមន្ទីរពេទ្យស្រុកថ្មពួក តែជាអកុសលពេលទៅដល់មន្ទីរពេទ្យ ក៏ត្រូវបានដាច់ស្លាប់តែម្តង។ លោកអធិការ បន្តថា សពជនរងគ្រោះប្រគល់ជូនក្រុមគ្រួសារ ដើម្បីចាត់ចែងធ្វើបុណ្យតាមប្រពៃណីនៅថ្ងៃនោះដែរ៕
Source: Kampuchea Thmey Daily
0 Comments