ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី៧ ខែមករា ឆ្នាំ២០១៩ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន១៦លើក ( យប់៩លើក ) បណ្តាលឲ្យមនុស្សស្លាប់ ៥នាក់ ( ស្រី២នាក់ ) រងរបួសធ្ងន់ ១២នាក់ ( ស្រី៥នាក់ ) និងរងរបួសស្រាល៩នាក់ ( ស្រី២នាក់ ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព១០នាក់ ( យប់៦នាក់ )។
នៅក្នុងករណីគ្រោះថ្នាក់ចរាចរណ៍ទាំង១៦លើកនេះ បានបណ្តាលឲ្យមានការខូចខាតយានយន្តសរុប៣១គ្រឿង ក្នុងនោះមាន ម៉ូតូចំនួន១៦គ្រឿង រថយន្តធុនតូចចំនួន៧គ្រឿង រថយន្តធុនធំចំនួន ៦គ្រឿង និងយានផ្សេងៗ ចំនួន២គ្រឿង។
របាយការណ៍ខាងលើប្រាប់បន្តថា មូលហេតុ ដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្មើសល្បឿន៧លើក ( ស្លាប់៤នាក់ ) , មិនប្រកាន់ស្តាំ៣លើក , មិនគោរពសិទ្ធិ១លើក , ប្រជែងគ្រោះថ្នាក់៣លើក ( ស្លាប់១នាក់ ) និងបត់គ្រោះថ្នាក់២លើក។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៦លើក និងផ្លូវខេត្ត ចំនួន១០លើក។ ដោយឡែកយានយន្តដែលបង្កហេតុ រួមមាន ម៉ូតូ ចំនួន៧លើក រថយន្តធុនតូច ចំនួន៥លើក រថយន្តធុនធំ ចំនួន ៣លើក និងយានផ្សេងៗ ចំនួន១លើក។ រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់ រួមមាន រាជធានីភ្នំពេញ៤លើក ស្លាប់១នាក់ របួស៦នាក់ ខេត្តកំពង់ស្ពឺ២លើក ស្លាប់២នាក់ របួស៤នាក់ និងខេត្តកណ្តាល២លើក ស្លាប់២នាក់ របួស៥នាក់។
យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា គ្រោះថ្នាក់ចរាចរណ៍ រយៈពេល៧ថ្ងៃ គិតចាប់ពីថ្ងៃទី១ ដល់ថ្ងៃទី៧ ខែមករា ឆ្នាំ២០១៩ កើតឡើង៨៥លើក បណ្តាលឲ្យមនុស្សស្លាប់៣៤នាក់ របួសសរុប១៨២នាក់ ក្នុងនោះរបួសធ្ងន់១០៧នាក់ និងរងរបួសស្រាល៧៥នាក់៕
Source: Kampuchea Thmey Daily
0 Comments