បន្ទាយមានជ័យ ៖ កម្លាំងនគរបាលក្រុងសិរីសោភ័ណបានចុះបង្ក្រាបអ្នកជក់ គ្រឿងញៀនបាន១សំបុកធំនៅក្រុងសិរីសោភ័ណ ជនសង្ស័យត្រូវនគរបាលជំនាញបញ្ជូនទៅតុលាការដើម្បីចេញដីកានាំទៅដាក់គុកកាលពីថ្ងៃទី១៧ ខែមករា ឆ្នាំ២០១៩។
មន្ត្រីនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបន្ទាយមានជ័យបានប្រាប់អ្នកយកព័ត៌មានឲ្យដឹងថា ការឈានដល់ឆ្មក់វាយលុកចូលបង្ក្រាបបានជនសង្ស័យទាំង៨នាក់ នេះ គឺបន្ទាប់ពីមានប្រជាពលរដ្ឋរាយការណ៍មកជំនាញប្រឆាំងគ្រឿងញៀនក្រុងសិរីសោភ័ណហើយ បានចុះបង្ក្រាបទីទាំង១កន្លែងស្ថិតនៅភូមិ ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យកម្លាំង ឃាត់ជនសង្ស័យបាន ៨នាក់ប្រុស និងដកហូតសម្ភារៈរួមមានថ្នាំក្រាមសថ្លា២កូនថង់តូច ទូរស័ព្ទចំនួន០៦ដែកកេះ១១ បំពង់ទ៉ែមូម៉ែត្រ០២ សំបកទ៉ែមូម៉ែត្រ០៤ ដបកែច្នៃសំរាប់ជក់០១ សំបកថង់និងឧបករណ៍ប្រើប្រាស់មួយចំនួន។
ឆ្លងតាមការធ្វើតេស្តរកសារធាតុញៀន វិជ្ជមាន(+) ៧ នាក់ប្រុស និងអវិជ្ជមាន ម្នាក់ប្រុស។លោកឧត្តមសេនីយ៍ត្រី ចាប សុផាឬទ្ធិ ស្នងការរង ទទួលផែនបង្ក្រាបបទល្មើសនៃស្នងការដ្ឋាននគរបាលខេត្តបន្ទាយមានជ័យឲ្យដឹងថា ជនសង្ស័យ៧នាក់លើ៨នាក់ដែលកម្លាំងជំនាញធ្វើតេស្តទៅឃើញមានសារធាតុញៀនឬវិជ្ជមាន(សញ្ញាបូក) នោះ ត្រូវបានកសាងសំណុំរឿងបញ្ជូនទៅតុលាការដើម្បីចេញដីកាឃុំខ្លួនហើយ៕
Source: Kampuchea Thmey Daily
0 Comments