ឧត្តរមានជ័យ ៖ មានករណីធ្វើអត្តឃាត(ចង.ក សម្លាប់ខ្លួន)មួយ នៅថ្ងៃទី៦ ខែមករា ឆ្នាំ២០១៩ ចន្លោះពីម៉ោង៧និង០០នាទីយប់ ទៅម៉ោង៦និង២០នាទី ថ្ងៃទី៧ ខែមករា ឆ្នាំ២០១៩ នៅនឹង (ផ្ទោងបង្គន់) ចំណុចភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ បណ្តាលឲ្យស្លាប់។
សមត្ថកិច្ចបានឲ្យដឹងថា ជនរងគ្រោះឈ្មោះ ជួន ជិន ភេទប្រុស អាយុ៧៣ឆ្នាំ រស់នៅភូមិឃុំខាងលើ (មុខរបរកសិករ) បានយកខ្សែអង្រឹងពណ៌ខៀវក្រហមចង.ក នឹងផ្ទោងបង្គន់ខាងលិចផ្ទះរបស់ខ្លួនបណ្ដាលឲ្យស្លាប់។
សមត្ថកិច្ចបានបន្តទៀតថា ក្រោយពីបានទទួលព័ត៌មានពី លោកអនុសេនីយ៍ទោ រ៉ាំង លោង នាយរងប៉ុស្តិ៍នគរបាលរដ្ឋបាលជើងទៀនបានរាយការណ៍មកលោកអធិការនគរបាលស្រុកនៅម៉ោង៦និង៤០នាទីព្រឹក ថ្ងៃទី០៧ ខែមករា ឆ្នាំ២០១៩។
លោកអធិការនគរបាលស្រុកបានចាត់តាំង លោកអនុសេនីយ៍ឯក សាយ កែវ អធិការរងឲ្យដឹកនាំកម្លាំងជំនាញ និងអ្នកគ្រូពេទ្យ គ្លិន សា អឿត ប្រចាំការនៅមណ្ឌលសុខភាពចុងកាល់ ចុះត្រួតពិនិត្យសាកសព ជនរងគ្រោះ ឈ្មោះ ជួន ជិម ភេទប្រុស អាយុ៧៣ឆ្នាំ រស់នៅភូមិឃុំខាងលើ ដែលបានយកខ្សែអង្រឹងពណ៌ខៀវក្រហម ចងនៅនឹងផ្ទោងបង្គន់របស់ខ្លួនកម្ពស់២,៣១ម៉ែត្រ។
សមត្ថកិច្ចបានបន្តទៀតថា តាមការពិនិត្យ និងស្រាវជ្រាវរបស់ជំនាញឃើញថា ជនរងគ្រោះបានលើកជណ្ដើរពីផ្ទះទៅដាក់បង្អែក នឹងបង្គន់ យកខ្សែអង្រឹង ពណ៌ខៀវក្រហមចង.ក។ ជនរងគ្រោះពាក់អាវសដៃវែងបំពង់ស្លៀកខោចែវជើងវែងពណ៌ខៀវ តាមដងខ្លួន និងអវយវៈគ្មានស្នាមនៅ ប្រដាប់ភេទ មានចេញទឹកកាមប្រឡាក់ខោខ្មៅជើងខ្លី។
តាមការសាកសួរ ប្រជាពលរដ្ឋ និងប្រពន្ធរបស់សពជនរងគ្រោះបានឲ្យដឹងថា ជនរងគ្រោះចង.កសម្លាប់ខ្លួនឯងនេះ ដោយសារមូលហេតុពិបាកចិត្តកូនៗស្លាប់ចោលអស់ ទើបសម្រេចចិត្តចង.ក សម្លាប់ខ្លួនតែម្តងទៅ។ សមត្ថកិច្ចបានប្រគល់សាកសព ជូនក្រុមគ្រួសារយកធ្វើបុណ្យតាមប្រពៃណី៕
Source: Kampuchea Thmey Daily
0 Comments