ភ្នំពេញ ៖ អាណាព្យាបាលសិស្សនៃសាលាបឋមសិក្សាវត្តសូភីសួស្តី ហៅវត្តក្រាំងដៃ កំពុងប្រកាសស្វែងរកសប្បុរសជនឲ្យជួយជួសជុលសាលា ដែលកំពុងចាស់ទ្រុឌទ្រោម ហើយម្យ៉ាងទៀតកំពុងខ្វះខាតសាលាសម្រាប់ឲ្យកូនចៅប្រជាពលរដ្ឋបានចូលសិក្សា។
យោងតាមប្រភពពីអាណាព្យាបាលសិស្សបាននិយាយថា សាលាបឋមសិក្សាវត្តសូភីសួស្តីហៅវត្តក្រាំងដៃនេះ កំពុងចាស់ទ្រុឌទ្រោមដែលសាលានេះបានសាងសង់ឡើងតាំងពីឆ្នាំ១៩៨៣មកម្ល៉េះ។ សាលានេះសង់ពីថ្មប្រក់ក្បឿង ហើយជញ្ជាំងសាលាក៏មិនទាន់ទាំងបានបូកជញ្ជាំងទៀតផងព្រោះកង្វះថវិកា។
លុះមកដល់បច្ចុប្បន្នបន្ទប់អគារមួយខ្នងបានផ្អាកឲ្យសិស្សចូលរៀន ព្រោះខ្លាចបាក់ ឬ ធ្លាក់ក្បឿងដែលពុកផុយធ្លាក់មកលើសិស្ស។ ដូច្នេះហើយទើបអាណាព្យាបាលសិស្សសុំអំពាវនាវដល់សប្បុរសជនឲ្យមកជួយសាងសង់អគារដែលចាស់ទ្រុឌទ្រោមនេះបានល្អស្អាតឡើងវិញដើម្បីឲ្យកូនចៅប្រជាពលរដ្ឋបានចូលសិក្សាឡើងវិញ។
គួរបញ្ជាក់ថា សាលាបឋមសិក្សាវត្តសូភីសួស្តី ហៅវត្តក្រាំងដៃនេះ មានទីតាំងស្ថិតក្នុងភូមិក្រាំងដៃ ឃុំធ្លក ស្រុកទ្រាំង ខេត្តតាកែវ៕
Source: Kampuchea Thmey Daily
0 Comments