ភ្នំពេញ ៖ ដោយមើលឃើញពីតម្រូវការកើនឡើងផ្នែកប្រព័ន្ធទិន្នន័យខ្នាតតូចនៅក្នុងប្រទេសកម្ពុជាទើបក្រុមហ៊ុនផ្តល់សេវាដំណោះស្រាយចម្រុះ ឈ្មោះថា TESK Green Co.Ltd បានប្រកាសបើកសម្ពោធការិយាល័យតាំងបង្ហាញថ្មីរបស់ខ្លួន ក្នុងគោលបំណងបង្ហាញពីបច្ចេកវិទ្យាចុងក្រោយរបស់ក្រុមហ៊ុន Vertiv។
ក្រុមហ៊ុន TESK Green គឺជាអ្នកផ្តល់សេវា និងដំណោះស្រាយផ្នែកបច្ចេកវិទ្យាព័ត៌មាន និងវិស្វកម្មដែលអាចជឿទុកចិត្តបាន។ ក្រុមហ៊ុននេះ ត្រូវបានបង្កើតឡើងក្នុងឆ្នាំ២០១១ ដែលជាក្រុមហ៊ុនឯកជនហើយមានក្រុមការងារគ្របដណ្ដប់ និងមានទីតាំងបម្រើសេវាធុរកិច្ចជាយុទ្ធសាស្ត្រនៅក្នុងប្រទេសកម្ពុជា។
ការិយាល័យតាំងបង្ហាញនេះ ស្ថិតនៅក្នុងការិយាល័យរបស់ក្រុមហ៊ុន TESK Green នៅទីក្រុងភ្នំពេញ និងបើកឲ្យដំណើរការចាប់ពីខែនេះតទៅ ដោយមានបង្ហាញពីលក្ខណៈពិសេស នៃមជ្ឈមណ្ឌលផ្តល់ដំណោះស្រាយចម្រុះស្ដីពីទិន្នន័យខ្នាតតូចរបស់ក្រុមហ៊ុន Vertiv តួយ៉ាងដូចជា SmartCabinet ™, ឧបករណ៍ ទប់ភ្លើង (UPS ដូចជា Liebert ® NXc ™ និង Liebert ITA ™ ក៏ដូចជាដំណោះស្រាយផ្នែកប្រព័ន្ធត្រួតពិនិត្យតាមដានដែលមានឈ្មោះថា Liebert RDU។
លោក ទូច ប៉ូលីន នាយកផ្នែកអភិវឌ្ឍន៍ធុរកិច្ចរបស់ក្រុមហ៊ុន TESK Green បានបញ្ជាក់ថា "យើងបានចំណាយពេល១៦ថ្ងៃ ដើម្បីរៀបចំការិយាល័យតាំងបង្ហាញរបស់យើងដោយមានជំនួយ និងការគាំទ្រពីក្រុមហ៊ុន Vertiv"។ "យើងបានកត់សម្គាល់ឃើញថា អតិថិជនក្នុងស្រុកឥឡូវនេះកំពុងសំឡឹងមើល ឃើញពីគុណតម្លៃ នៃការវិនិយោគក្នុងផ្នែកមជ្ឈមណ្ឌលទិន្នន័យខ្នាតតូច និងផលិតផលសហគ្រាសតាមកាលៈទេសៈដទៃទៀតរបស់ក្រុមហ៊ុន Vertiv ដែលមានប្រសិទ្ធភាពថាមពល និងដំណោះស្រាយដ៏ល្អពេញចិត្ត។”
លោកបានបន្តថា “យើងសង្ឃឹមថាការិយាល័យតាំងបង្ហាញនេះ នឹងផ្តល់ឲ្យអតិថិជនរបស់យើងនូវវិធីសាស្ត្រជំនួយមួយ ដើម្បីយល់ដឹងកាន់តែច្បាស់អំពីដំណោះស្រាយ ដែលនឹងអាចជួយគាំទ្រដល់មជ្ឈមណ្ឌលទិន្នន័យរបស់ពួកគេ ក៏ដូចជាការអនុវត្តកម្មវិធីសំខាន់ៗមួយចំនួនទៀតផងដែរ។ "
Vertiv SmartCabinet គឺជាមជ្ឈមណ្ឌលទិន្នន័យខ្នាតតូចពេញលេញចម្រុះមួយ ដែលផ្ទុកទៅដោយថាមពល ការគ្រប់គ្រងកម្ដៅ ឧបករណ៍ ទប់ភ្លើង (UPS និងការត្រួតពិនិត្យនៅក្នុងដំណោះស្រាយតូចៗដែលល្អប្រសើរបំផុតសម្រាប់ដំណើរការកម្មវិធីជាច្រើនដូចជា ពាណិជ្ជកម្មទីផ្សារលក់រាយ រដ្ឋាភិបាល ធនាគារ និងការផលិតផលិតផលផ្សេងៗ។ ដំណោះស្រាយលើការការពារថាមពលពីក្រុមហ៊ុន Vertiv ផ្តល់ជូននូវការរចនាពិសេសតែមួយគត់ ដែលផ្តល់នូវថាមពលគ្រប់គ្រាន់ និងស្របតាមដំណើរការកម្មវិធីនៃបច្ចេកវិទ្យាព័ត៌មាន ក៏ដូចជាការពារការដាច់ចរន្តអគ្គិសនី និងពេលវេលារង់ចាំ។
លោក ដានីញែល ស៊ីម (Daniel Sim) នាយកជាន់ខ្ពស់ផ្នែកបណ្តាញធុរកិច្ចនៃក្រុមហ៊ុន Vertiv ប្រចាំតំបន់អាស៊ីបានមានប្រសាសន៍ថា "ការរិះគន់លើការលំបាកទាក់ទងនឹងកម្មវិធីកុំព្យូទ័រ កំពុងមានកាន់តែច្រើនឡើងៗ នៅតំបន់អាស៊ី ហើយនឹងនៅប្រទេសកម្ពុជាតែប៉ុណ្ណោះ។ ឥឡូវនេះអាជីវកម្ម ជាច្រើនកំពុងវិនិយោគលើដំណោះស្រាយរួមសម្រាប់កម្មវិធីដ៏មានសារប្រយោជន៍របស់ខ្លួន ដូចជាកម្មវិធី SmartCabinet និងដំណោះស្រាយផ្នែកថាមពល និងការការពារកំដៅតាមកាលៈទេសៈ។
លោកបានបន្ថែមថា “យើងសូមអបអរសាទរដល់ក្រុមហ៊ុន TESK Green សម្រាប់ការដាក់ឲ្យដំណើរការការិយាល័យតាំងបង្ហាញថ្មីរបស់ខ្លួន ហើយសង្ឃឹមថាដំណើរការនេះ នឹងជួយដល់អតិថិជនក្នុងស្រុកឲ្យយល់ដឹងពីគុណតម្លៃ នៃការវិនិយោគលើផ្នែកដំណោះស្រាយរួមចំពោះបញ្ហាទាក់ទងនឹងបច្ចេកវិទ្យាព័ត៌មាននេះ។
ក្រុមហ៊ុន Vertiv គឺជាក្រុមហ៊ុនផ្គត់ផ្គង់សេវាកម្មផ្នែករឹង និងទន់ កម្មវិធីវិភាគ និងសេវាកម្មនានាដែលកំពុងដំណើរការ ដើម្បីធានាថា កម្មវិធីសំខាន់ៗរបស់អតិថិជនអាចដំណើរការជាបន្តបន្ទាប់ និងអនុវត្តបានយ៉ាងងាយស្រួល និងរីកចម្រើនជាមួយនឹងតម្រូវការអាជីវកម្មរបស់ពួកគេ។
ក្រុមហ៊ុន Vertiv ដោះស្រាយចំពោះបញ្ហាប្រឈមធំៗបំផុត ដែលកំពុងជួបប្រទះនាពេលបច្ចុប្បន្នទាក់ទងនឹងមជ្ឈមណ្ឌលទិន្នន័យ បណ្តាញទំនាក់ទំនង និងអគារពាណិជ្ជកម្ម និងឧស្សាហកម្ម តាមរយៈការផ្តល់សេវាថាមពល ការការពារកម្ដៅ និងដំណោះស្រាយផ្នែកហេដ្ឋារចនាសម្ព័ន្ធបច្ចេកវិទ្យាព័ត៌មាន ដែលពឹងផ្អែកចេញពីពពកអាកាសរហូតដល់បន្ទុកបណ្ដាញ។ ក្រុមហ៊ុននេះ មានការិយាល័យកណ្តាលនៅកូឡំប៊ឺស រដ្ឋអូហៃយ៉ូ នៃសហរដ្ឋអាមេរិក និងមានបុគ្គលិកបម្រើការងារប្រមាណជាពីរម៉ឺននាក់ ដែលកំពុងធ្វើការនៅក្នុងជាង១៣០ប្រទេស។
សម្រាប់ព័ត៌មានបន្ថែម និងទទួលបានព័ត៌មាន និងខ្លឹមសារចុងក្រោយបំផុតពីក្រុមហ៊ុន Vertiv សូមចូលទៅកាន់គេហទំព័រ VertivCo.com៕
Source: Kampuchea Thmey Daily
0 Comments