រតនគិរី ៖ បុរសម្នាក់ ជិះម៉ូតូដួលដោយខ្លួនឯង បណ្តាលឲ្យរងរបួសធ្ងន់ កាលពីវេលាម៉ោង៧និង៣០នាទីយប់ ថ្ងៃច័ន្ទ ៧កើត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១១ ខែកុម្ភៈ ឆ្នាំ២០១៩កន្លងទៅ តាមបណ្ដោយផ្លូវជាតិលេខ៧៨A ទល់មុខចម្ការកៅស៊ូ ឈ្មោះ ហុប ស្ថិតនៅក្នុងភូមិប៉ាជន់ ឃុំឯកភាព ស្រុកអូរជុំ ខេត្តរតនគិរី។
មន្ត្រីនគរបាលស្រុកអូរជុំបានឲ្យដឹងថា ជនរងគ្រោះមានឈ្មោះ កុក យ៉ា ភេទប្រុស អាយុ៣៩ឆ្នាំ ជនជាតិទំពួន រស់នៅភូមិល្អឺនក្រែន ឃុំអូរជុំ ស្រុកអូរជុំ ខេត្តរតនគិរី រងរបួសធ្ងន់បែកក្បាល និងហូរឈាមតាមច្រមុះ បើកបរម៉ូតូមួយគ្រឿង ពីកើតទៅលិច ក្នុងស្ថានភាពស្រវឹងជោកជាំ ក្នុងល្បឿនលឿន មកដល់ចំណុចកើតហេតុ ក៏ដួលខ្លួនឯងរងរបួសធ្ងន់តែម្ដង។
ក្រោយពីកើតហេតុ ជនរងគ្រោះ ត្រូវបានសមត្ថកិច្ចដឹកបញ្ជូនទៅព្យាបាលនៅឯមន្ទីរពេទ្យបង្អែកខេត្ត។ ដោយឡែក ម៉ូតូ ត្រូវបានកម្លាំងប៉ុស្តិ៍យកមករក្សាទុក ដើម្បីរង់ចាំម្ចាស់មកទទួលយកទៅវិញផងដែរ៕
Source: Kampuchea Thmey Daily
0 Comments