កោះកុង ៖ បុរសម្នាក់ បានចុះមើលមងត្រីក្នុងព្រែក ពេលស្រវឹងស្រាបណ្តាលអោយស្លាប់បាត់បង់អាយុជីវិត កាលពីវេលាម៉ោង២និង០០នាទីរសៀល នាថ្ងៃទី៧ ខែកុម្ភៈ ឆ្នាំ២០១៩ ត្រង់ចំណុចភូមិតាអុក ឃុំអណ្តូងទឹក ស្រុកបុទុមសាគរ ខេត្តកោះកុង។
សមត្ថកិច្ចបានអោយដឹងថា ជនរងគ្រោះមានឈ្មោះ ណុប ណាត ភេទប្រុស អាយុ៦៦ឆ្នាំ ជនជាតិខ្មែរ មានមុខរបរកសិករ មានទីលំនៅភូមិឃុំកើតហេតុខាងលើ។
សមត្ថកិច្ចបានអោយដឹងថា មុនពេលកើតហេតុជនរងគ្រោះខាងលើ បានផឹកស្រាស្រវឹងហើយជនរងគ្រោះបានចុះទៅមើលមងត្រីក្នុងព្រែក ក៏បណ្តាលអោយលង់ទឹកស្លាប់តែម្តង។
ក្រោយការពិនិត្យនិងធ្វើកោសល្យវិច័យរួចរាល់ សមត្ថកិច្ច បានប្រគល់សពជនរងគ្រោះអោយទៅភរិយាដើម្បីយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments