ឧត្តរមានជ័យ ៖ នៅថ្ងៃទី១៣ ខែកុម្ភៈ ឆ្នាំ២០១៩ ឯកឧត្ដម តូច សារ៉េត ប្រតិភូរាជរដ្ឋាភិបាល អគ្គនាយករងវិទ្យុជាតិកម្ពុជា ទទួលបន្ទុក វិទ្យុ F M ទូទាំងប្រទេស តំណាងឲ្យ ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានដឹកនាំគណៈប្រតិភូ ៤ខេត្ត រួមមាន ប្រធានមន្ទីរព័ត៌មាន ខេត្តស្ទឹងត្រែង ខេត្តត្បូងឃ្មុំ ខេត្តសៀមរាប និង ខេត្តបាត់ដំបង បានពាំនាំនូវការផ្ដាំផ្ញើសាកសួរសុខទុក្ខ និងថវិកា មួយចំនួន ពីសំណាក់ ឯកឧត្ដម រដ្ឋមន្ត្រី ជូនចំពោះខ្ញុំបាទ យឹម ប៊ុនថន ប្រធានមន្ទីរព័ត៌មាន ខេត្តឧត្តរមានជ័យ ដែលមានជំងឺធ្ងន់ធ្ងរ ត្រូវបញ្ជូនទៅព្យាបាលនៅប្រទេសថៃ នារសៀលថ្ងៃនេះ។
នៅក្នុងឱកាសនោះដែរ លោក យឹម ប៊ុនថន ក៏បានសូមគោរពថ្លែងអំណរគុណ ជូនចំពោះ ឯកឧត្ដមរដ្ឋមន្ត្រី និងលោកជំទាវ ជានិច្ចកាល ឯកឧត្ដម និងលោកជំទាវ តែងតែគិតគូរ ជួយដល់មន្ត្រីរាជការក្រោម ឱវាទគ្រាប់ពេលវេលា សូមឯកឧត្ដម និងលោកជំទាវ ប្រកបតែពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕
Source: Kampuchea Thmey Daily
0 Comments