ឧត្តរមានជ័យ ៖ ដោយមានការបញ្ជាពីលោកឧត្ដមសេនីយ៍ទោ ម៉ែន លី ស្នងការនគរបាលខេត្ត បានចាត់បញ្ជាឲ្យ លោកឧត្ដមសេនីយ៍ត្រី ឡឹក សុខា ស្នងការរងទទួលផ្នែកព្រហ្មទណ្ឌកម្រិតធ្ងន់ បានដឹកនាំកម្លាំងការិយាល័យព្រហ្មទណ្ឌកម្រិតធ្ងន់ ការិយាល័យប្រឆាំងបទល្មើសសេដ្ឋកិច្ច លោក គា គីន និងប៉ុស្តិ៍នគរបាលរដ្ឋបាលអូរស្មាច់ សហការជាមួយការិយាល័យអនុវត្តដីកា នៃនាយកដ្ឋាននគរបាលព្រហ្មទណ្ឌ ដឹកនាំដោយ លោកវរសេនីយ៍ទោ ឆាន់ គឹមលី និងសមត្ថកិច្ចនគរបាលខេត្ត កំពត ចុះអនុវត្តដីកាចាប់ខ្លួន និងបញ្ជាឲ្យចូលខ្លួនរបស់សាលាដំបូងខេត្តកំពត ធ្វើការចាប់ឃាត់ខ្លួនជនសង្ស័យចំនួន០៣នាក់ ក្នុងចំណោម៤នាក់ និង០១ទៀតគេចខ្លួន (កំពុងតាមរុករក)ជនសង្ស័យដែលបានធ្វើការចាប់ឃាត់ខ្លួនមានឈ្មោះដូចខាងក្រោម ៖
១.ឈ្មោះ នួន យាន ភេទប្រុស អាយុ៣៦ឆ្នាំ។
២.ឈ្មោះ ស៊ុម ហយ ហៅពេជ្រ ភេទប្រុស អាយុ២១ឆ្នាំ។
៣.ឈ្មោះ ស៊ុម ង៉ុយ ភេទប្រុស អាយុ៤៣ឆ្នាំ។
សមត្ថកិច្ចបានឲ្យដឹងថា ជនសង្ស័យទាំង០៣ខាងលើ ឃាត់ខ្លួនបាននៅវេលាម៉ោង១៣និង៤០នាទី ថ្ងៃទី២៣ ខែកុម្ភៈ ឆ្នាំ២០១៩ ចំណុចផ្ទះជួលស្ថិតនៅភូមិអូរស្មាច់,សង្កាត់អូរស្មាច់ ក្រុងសំរោង ខេត្តឧត្តរមានជ័យ ពីបទលួចមានស្ថានទម្ងន់(ក្រុមលួចរថយន្ត)។
សមត្ថកិច្ចបានបន្តទៀតថា បច្ចុប្បន្ន បានធ្វើការប្រគល់ជូនក្រុមការងាររបស់នាយកដ្ឋាន និងសមត្ថកិច្ចនគរបាលខេត្តកំពត ជាមម្ចាស់ករណីចាត់ការតាមនីតិវិធីបន្ត៕
Source: Kampuchea Thmey Daily
0 Comments