តាកែវ ៖ យុវជនម្នាក់ដាច់ចិត្តយកថ្នាំពុលមកផឹកសម្លាប់ខ្លួនបានសម្រេច ព្រោះតូចចិត្តម្តាយមិនទៅស្តីដណ្តឹងប្រពន្ធឲ្យ។
ហេតុការណ៍បង្កការភ្ញាក់ផ្អើលនេះ កើតឡើងនៅយប់ថ្ងៃទី១៨ ខែកុម្ភៈ ឆ្នាំ២០១៩ វេលាម៉ោង២៣និង០០នាទី យប់ ស្ថិតនៅក្នុងភូមិព្រាល ឃុំគីរីចុងកោះ ស្រុកគីរីវង់ ខេត្តតាកែវ។
ប៉ូលិសស្រុកគីរីវង់បានឲ្យដឹងដែរថា ពិតជាមានករណីផឹកថ្នាំពុលសម្លាប់ខ្លួនប្រាកដមែន ដោយជនរងគ្រោះឈ្មោះ គង់ សំណាង ភេទប្រុស អាយុ២១ឆ្នាំ មានទីលំនៅ ភូមិកើតហេតុខាងលើ បានយកថ្នាំពុលម៉ាកReasgant 5ECផឹកសម្លាប់ខ្លួនក្នុងរោងម៉ាស៊ីណកិនស្រូវជាប់ផ្ទះរបស់ខ្លួន។ ប៉ូលិសបន្តថា តាមសាច់ញាតិជនរងគ្រោះប្រាប់ថា មូលហេតុគឺជនរងគ្រោះមានវិបត្តិផ្លូវចិត្តដោយឪពុកម្តាយមិនទៅស្តីដណ្តឹងប្រពន្ធឲ្យខ្លួន ទើបផឹកថ្នាំពុលសម្លាប់ខ្លួនបញ្ចប់ជីវិតតែម្តងទៅ។
ក្រោយកើតហេតុសមត្ថកិច្ចជំនាញបានសហការណ៍ជាមួយលោកគ្រូពេទ្យបង្អែកស្រុកគីរីវង់ចុះទៅដល់កន្លែងកើតហេតុ និងបានធ្វើការពិនិត្យទៅលើសព ក៏សន្និដ្ឋានថា ជនរងគ្រោះពិតជាបានផឹកថ្នាំពុលសម្លាប់ខ្លួនឯងប្រាកដមែន រួចបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments