ឆេះតូបលក់ដូរអាជីវករផ្សារសាមគ្គី បង្កភាពភ្ញាក់ផ្អើលទាំងយប់

កំពង់ស្ពឺ ៖ គ្រោះអគ្គិភ័យ បានឆាបឆេះបំផ្លាញតូបលក់ដូរក្នុងផ្សាសាមគ្គី ស្ថិត ក្នុងភូមិត្រពាំងអំពិល ឃុំត្រពាំង គង ស្រុកសំរោងទង ខេត្តកំពង់ស្ពឺ បង្កភាពភ្ញាក់ផ្អើល ប៉ុន្តែសំណាងល្អរថយន្តពន្លត់អគ្គិភ័យចេញអន្តរាគមន៍បាញ់ទឹកពន្លត់ទាន់ពេលវេលា។

ហេតុការណ៍គ្រោះ អគ្គិភ័យនេះ បំផ្លាញតូបអស់មួយ មានទំហំ ៨គុណ ៨ម៉ែត្រ របស់ម្ចាស់ឈ្មោះ ឡាយ ស្រីយ៉ុង ភេទស្រី អាយុ៥៤ឆ្នាំ លក់ដូរអីវ៉ាន់ចាប់ហួយ នៅយប់រំលងអធ្រាត្រឈានចូលថ្ងៃទី០៨ ខែកុម្ភៈ ឆ្នាំ២០១៩។

នគរបាលនិយាយថា សម្ភារៈខូចខាតតូប ទំហំ៨ម៉ែត្រគុណ៨ ម៉ែត្រ ឆេះស្ទើរទាំងស្រុង ដំបូលប្រក់ស័ង្កសី ជញ្ជាំងបាំង ស័ង្កសី អីវ៉ាន់ចម្រុះនៅក្នុងតូបឆេះទាំងអស់។

ក្នុងកិច្ចប្រតិបត្តិការនេះ កម្លាំងអន្តរាគមន៍ រថយន្តពន្លត់អគ្គិភ័យ ក្រោមកិច្ចសហការរបស់កម្លាំងអធិការដ្ឋានស្រុកអង្គស្នួល ខេត្តកណ្ដាល ប្រើប្រាស់មធ្យោបាយ រថយន្តអគ្គិភ័យ ចំនួន ០៥គ្រឿង (រថយន្តខេត្តកំពង់ស្ពឺ ០៣គ្រឿង និង ស្រុក អង្គ ស្នូល ០២ គ្រឿង ) រហូត ដល់ ម៉ោង ០១ និង ៣០ នាទី ថ្ងៃ ទី ០៩ ខែកុម្ភៈ ឆ្នាំ ២០១៩ អគ្គិភ័យ ត្រូវ បាន គ្រប់គ្រង និង ពន្លត់ បាន ទាំងស្រុង ។

សូមបញ្ជាក់ថា ករណីនេះ ដោយមានកិច្ចសហការ ពី អាជ្ញាធរ មូលដ្ឋាន និង ការ បញ្ជា ដឹកនាំ ចង្អុល ការ ច្បាស់លាស់ ពី លោក ឧត្ដមសេនីយ៍ទោ សម សា មួន ស្នងការ នគរបាល ខេត្ត ទើប កងកម្លាំង នគរបាល គ្រប់ ផ្នែក អនុវត្ដ បាន ជោគជ័យ ការពារ បាន មិន អោយ អគ្គិភ័យ ឆេះ រាល ទៅ តូប ផ្សេង មួយ ចំនួន ទៀត ក្នុង ផ្សា ឡើយ ។

មូលហេតុ ៖ បណ្ដាល មក ពី ការតខ្សែភ្លើងគ្មានបច្ចេកទេស ធ្វើ ផ្ទុះ ព្រី ដែល ដោត អំពូល ក្នុង តូប ទើប ឆ្លង ចរន្តអគ្គិសនី ឆេះ តែ ម្ដង ( ខ្សែភ្លើង តំណ ច្រើន កន្លែង ) ។

សំណូមពរ ដល់ បងប្អូន ប្រជាពលរដ្ឋ ពិសេស ក្រុម អាជីវករ ត្រូវ រៀបចំ ការពារ សុវត្ថិភាព ខ្ពស់ លើ បច្ចេកទេស ការត បណ្ដាញអគ្គិសនី ក្នុងផ្ទះ តូប កន្លែងលក់ដូរ ត្រូវ រក អ្នកជំនាញ ឲ្យ ជួយ ក្នុង ករណី នេះ កុំ ប្រើប្រាស់ ខ្សែភ្លើង ចាស់ តំណ ច្រើន ព្រោះ អាច ប៉ះ ផ្ទុះ ឆ្លង ចិន្ដា ទៅ ជា អគ្គិភ័យ បំផ្លាញ ទ្រព្យសម្បត្តិ របស់ បងប្អូន៕