រតនគិរី ៖ កម្លាំងនគរបាលប្រឆាំងគ្រឿងញៀននៃអធិការស្រុកវើនសៃបានសហការជាមួយកម្លាំងប៉ុស្តិ៍នគរបាលរដ្ឋបាលឃុំកោះប៉ង់ បានធ្វើការត្រួតពិនិត្យចែកឆេរនិងឃាត់ខ្លួនជនសង្ស័យម្នាក់ ជាប់ពាក់ព័ន្ធករណីចែកចាយថ្នាំញៀនដោយ(វិធានញុះញង់)។
ករណីចុះបង្ក្រាបចែកចាយថ្នាំញៀននេះ បានធ្វើឡើងកាលពីវេលាម៉ោង១និង៣០នាទីរសៀលថ្ងៃសុក្រ ១០រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនិងថ្ងៃទី០១ ខែមីនា ឆ្នាំ២០១៩នេះ នៅត្រង់ចំណុចអូរកាតាម ស្ថិតនៅក្នុងភូមិប៉ាហយ ឃុំកោះប៉ង ស្រុកវើនសៃ។
មន្ត្រីនគរបាលរដ្ឋបាលឃុំកោះប៉ង បានឲ្យដឹងថា ជនសង្ស័យឈ្មោះ សយ តាក់ ភេទប្រុស អាយុ២៩ឆ្នាំ ជនជាតិព្រៅ មានទីលំនៅភូមិតាវែងលើ ឃុំតាវែងលើ ស្រុកតាវែង ខេត្តរតនគិរី។ ក្រោយការឃាត់ខ្លួនសមត្ថកិច្ចបានដកហូតវត្ថុតាងរួមមានម្សៅក្រាមពណ៌សថ្លា សង្ស័យជាសារធាតុញៀនចំនួន០១ថង់ធំល្មម ទូរស័ព្ទដៃមួយគ្រឿងម៉ាកOPPO លុយខ្មែរចំនួន១.០០០រៀល ដេកកេះ១ ទុយយោ១ ឡាម១ និងថង់សម្រាប់ច្រកថ្នាំញៀនមួយចំនួនទៀត។
បច្ចុប្បន្នជនសង្ស័យរួមទាំងវត្ថុតាងកំពុងឃាត់ខ្លួន និង រក្សាទុកនៅអធិការដ្ឋាននគរបាលស្រុកវើនសៃ ដើម្បីបំពេញបែបបទតាមនីតិវិធីបញ្ជូនទៅអយ្យការអមសាលាដំបួងខេត្តចាត់ការតាមនីតិវិធីច្បាប់៕
Source: Kampuchea Thmey Daily
0 Comments