ភ្នំពេញ ៖ នគរបាលខណ្ឌឫស្សីកែវ ធ្វើការស្រាវជ្រាវបង្ក្រាប រហូតកំណត់មុខសញ្ញា ករណីជួញដូរសារធាតុញៀនដោយខុសច្បាប់ ឃាត់ខ្លួនជនសង្ស័យម្នាក់ និងវត្ថុតាងថ្នាំញៀនខុសច្បាប់ចំនួន២កញ្ចប់ធំល្មម។
ប្រតិបត្តិការខាងលើនេះធ្វើឡើងនៅថ្ងៃទី០១ ខែមីនា ឆ្នាំ២០១៩ វេលាម៉ោង២៣និង១៥នាទី ត្រង់ចំណុចក្រុមទី៦ ភូមិ១ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ។
សមត្ថកិច្ចបានឲ្យដឹងថា ជាលទ្ធផល កម្លាំងជំនាញខណ្ឌប៉ុស្តិ៍ បានធ្វើការឃាត់ខ្លួនជនសង្ស័យចំនួនម្នាក់ ឈ្មោះ ម៉ូត សើគីរីន ភេទប្រុស អាយុ៣៦ឆ្នាំ ជនជាតិខ្មែរឥស្លាម មានទីលំនៅផ្ទះលេខ៨ ក្រុមទី៥ ភូមិ៣ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ មុខរបរមិនពិតប្រាកដ។ រីឯសម្ភារៈដកហូតរួមមាន ក្រាមពណ៌សថ្លាចំនួន២កញ្ចប់+ថង់សម្រាប់ច្រកគ្រឿងញៀនមួយចំនួន។
ចំពោះមុខកម្លាំងជំនាញខណ្ឌ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តតាមនីតិវិធី៕
Source: Kampuchea Thmey Daily
0 Comments