យុវជន​ម្នាក់ សង្ស័យ​ស្រវឹង​​ស្រា​ ជិះ​ម៉ូតូ​បុក​ដើម​អំពិល​ របួសធ្ងន់ នៅ​ស្រុក​កូន​មុំ​

រតនគិរី ៖ យុវជន​ម្នាក់ សង្ស័យ​ស្រវឹងស្រា​ជោកជាំ​ បាន​ជិះ​ម៉ូតូ​ទៅបុក​នឹង​ដើម​អំពិល ​បណ្តាល​ឲ្យ​រង​របួស​ធ្ងន់​។​

​ករណី​គ្រោះថ្នាក់​ចរាចរណ៍​ដោយ​ខ្លួនឯងបាន​កើតឡើង​កាលពី​វេលា​ម៉ោង​៨​និង​៤៣​នាទី​យប់ ថ្ងៃ​ព្រហស្បតិ៍ ២​កើត ខែផល្គុន ឆ្នាំច សំរឹទ្ធិស័ក ព​.​ស​២៥៦២ ត្រូវ​នឹង​ថ្ងៃទី​៧ ខែមីនា ឆ្នាំ​២០១៩​កន្លង​ទៅ នៅលើ​ផ្លូវលំ​ក្រាល​ក្រួស​ក្រហម​មួយ​ខ្សែ ស្ថិតនៅ​ក្នុងភូមិ​តឹ​ន ឃុំ​តឹ​ន ស្រុក​កូន​មុំ​។​

​មន្ត្រីនគរបាល​រដ្ឋបាល​ឃុំ​តឺ​ន​បាន​ឲ្យ​ដឹងថា ជនរងគ្រោះ​មាន ឈ្មោះ ហុង ភឿន ភេទ​ប្រុស អាយុ​១៨​ឆ្នាំ ជនជាតិ​គ្រឹ​ង រស់នៅ​ភូមិ​តា​អង ឃុំ​តា​អង ស្រុក​កូន​មុំ ជិះ​ម៉ូតូ​មួយគ្រឿង​ម៉ាក ហុងដា​ឌ្រី​ម C125 ស៊េរី​ឆ្នាំ​2014 ពណ៌​ខ្មៅ ពាក់​ស្លាក​លេខ រតនគិរី 1C- 3929។​

​ក្រោយ​កើតហេតុ ជនរងគ្រោះ ​ត្រូវបាន​ដឹកបញ្ជូន​តាម​រថយន្ត​សង្គ្រោះ​ទៅ​មន្ទីរពេទ្យ​បង្អែក​ខេត្ត​ ដើម្បី​ព្យាបាល​។​

​ដោយឡែក ម៉ូតូ​ជនរងគ្រោះ​ បាន​យកមក​រក្សាទុក​នៅ​នគរបាល​ប៉ុស្តិ៍​តឹ​ន​ ដើម្បី​រង់ចាំ​ប្រគល់​ជូន​ទៅ​ឲ្យ​ក្រុម​គ្រួសារ​វិញ​ផង​ដែរ​៕



Source: Kampuchea Thmey Daily