ដាំបាយ​ចង្ក្រាន​ហ្គាស៍ ផ្ទុះ​ឆេះ​ផ្ទះ​អស់​៧​ខ្នង នៅ​ស្រុក​ស្ទឹងត្រង់

កំពង់ចាម​ ៖ ​ការ​ដាំបាយ​ចង្ក្រាន​ហ្គាស៍ ​ដោយ​ការ​ធ្វេសប្រហែស បណ្តាលឲ្យ​ផ្ទុះ​ឆេះ លំនៅដ្ឋាន​របស់​ប្រជាពលរដ្ឋ ចំនួន​៧​ខ្នង ស្មើ​នឹង​៧​គ្រួសារ ទាំង​យប់​ បង្ក​ឲ្យ​មាន​ការភ្ញាក់ផ្អើល​កាលពី ទី​27 ខែ​មីនា ឆ្នាំ​2019​ វេលា​ម៉ោង​17​និង​20​នាទី​ នៅ​ភូមិ​ទួល​រកា​ ឃុំ​ពាម​កោះ​ស្នា ស្រុក​ស្ទឹងត្រង់​ ខេត្ត​កំពង់ចាម។

លោក ប៉ាក ជាតិ អធិការ​នគរបាល​ស្រុក​ស្ទឹងត្រង់​បានឲ្យ​ដឹងថា ហេតុការណ៍​នេះ​កើតឡើង​បណ្តាល​ឲ្យ​ឆេះ​ផ្ទះ​ប្រជាពលរដ្ឋ​អស់​ចំនួន​07​ខ្នង​មាន ៖
1.​ឈ្មោះ​ សេង ​ផូ ផ្ទះ​ទំហំ​7​ម​×12​ម ធ្វើ​ពី​ឈើ​ប្រក់​ក្បឿង​
2.​ឈ្មោះ​ អំ​ យ៉ា​ត ផ្ទះ​ទំហំ​7​ម​×12​ម ធ្វើ​ពី​ឈើ​ប្រក់​ក្បឿង​
3.​ឈ្មោះ ​គ្រុយ​ សៅ ផ្ទះ​ទំហំ​6​ម​×9​ម ធ្វើ​ពី​ឈើ​ប្រក់​ក្បឿង​
4.​ឈ្មោះ​ សយ​ ផល ផ្ទះ​ទំហំ​6.50​ម​×9​ម ធ្វើ​ពី​ឈើ​ប្រក់​ក្បឿង​
5.​ឈ្មោះ ​ស៊ីម​ ណាក់ ផ្ទះ​ទំហំ​6.50​ម​×9​ម ធ្វើ​ពី​ឈើ​ប្រក់​ដែក​
6.​ឈ្មោះ​ ដា​ ភាព ផ្ទះ​ទំហំ​7​ម​×13​ម ​ធ្វើ​ពី​ឈើ​ប្រក់​ក្បឿង​
7.​ឈ្មោះ​ យី​ម ​យ៉ុ​ន ផ្ទះ​ទំហំ​5​ម​×7​ម ធ្វើ​ពី​ឈើ ប្រក់​ដែក។​

លោក​អធិការ​បាន​បញ្ជាក់​ថា សម្ភារៈ និង​ទ្រព្យសម្បត្តិ​លើ​ផ្ទះ​ទាំង​7​ខ្នង​ ត្រូវ​ឆេះ​ខូចខាត​ទាំងស្រុង​សមត្ថកិច្ច​មិនទាន់​សរុប​បាន​នៅឡើយ​(​រាយការណ៍​ពេល​ក្រោយ)។

លោក​អធិការ​បាន​បន្ត​ថា អគ្គិភ័យ​នេះ ​បណ្ដាល​មក​ពី​ម្ចាស់ផ្ទះ​ឈ្មោះ​ សយ ផល ​ដាំបាយ ​ហើយ​ផ្ទុះ​ចង្ក្រាន​ហ្គាស៍។

លោក ប៉ាក ជាតិ​ បាន​បញ្ជាក់ថា ក្នុងករណី​អគ្គិភ័យ​នេះ​ យើង​ប្រើប្រាស់​រថយន្ត​ពន្លត់អគ្គិភ័យ​ចំនួន​04​គ្រឿង​+​រថយន្ត​ពន្លត់​អគ្គិភ័យ​ស្នងការ​នគរបាល​ខេត្ត​01​គ្រឿង​+​រថយន្ត​ពន្លត់អគ្គិភ័យ​នគរបាល​ស្រុក​ស្ទឹងត្រង់​01​គ្រឿង​+​រថយន្ត​ពន្លត់អគ្គិភ័យ​នគរបាល​ស្រុក​ចំការលើ​01​គ្រឿង និង រថយន្ត​ពន្លត់អគ្គិភ័យ​ក្រុមហ៊ុន​ឡុង​ស្រេង ​បឹងកេត​01​គ្រឿង ដោយ​ប្រើប្រាស់​ទឹក​អស់​ចំនួន​09​ និង​កំពុង​បាញ់​បន្ត៕



Source: Kampuchea Thmey Daily