អ្នកខេត្តក្រចេះកាន់តែនិយមពិសាភេសជ្ជៈប៉ូវកម្លាំង វើក (WURKZ) ក្រោយពីមានឈ្នះរង្វាន់ 1,000 (មួយពាន់)ដុល្លារ ជាប់ៗគ្នាក្នុងមួយសប្តាហ៍ចុងក្រោយនេះ

Cambodia News March 05, 2019

នៅខេត្តក្រចេះ រយៈពេលមួយសប្តាហ៍ចុងក្រោយនេះ មានអតិថិជនឈ្នះរង្វាន់ធំ 1,000 (មួយពាន់) ដុល្លារ ពីក្រវិលកំប៉ុងភេសជ្ជៈប៉ូវកម្លាំង វើក (WURKZ) រហូតទៅដល់បីនាក់ជាប់ៗគ្នា។

អ្នកឈ្នះរង្វាន់ 1,000 (មួយពាន់) ដុល្លារ ទាំងបីនាក់គឺ
1. ប្អូនប្រុស វិចិត្រ រស់នៅក្រុងក្រចេះ ឈ្នះពេលមកទស្សនាការប្រគុំតន្ត្រី Cambodia Rock the Nation
2. បងស្រី សារុំ សម្បត្តិ រស់នៅក្រុងក្រចេះ ឈ្នះពេលនាំក្រុមគ្រួសារមកទស្សនាការក្រគុំតន្ត្រី Cambodia Rock the Nation
3. បងប្រុស ប៉ែន សារុំ រស់នៅស្រុកឆ្លូង ខេត្តក្រចេះ ឈ្នះពេលពិសាកំឡុងធ្វើការហត់នៅផ្ទះ។

ក្រោយពីព័ត៌មានឈ្នះរង្វាន់ទាំងនេះបានបង្ហោះខ្ចរខ្ចាយលើទំព័រហ្វេសប៊ុក ធ្វើអោយអ្នកខេត្តក្រចេះសួរ រកតែភេសជ្ជៈប៉ូវកម្លាំង វើក នៅតាមតូបលក់ភេសជ្ជៈនានាក្នុងខេត្ត។

លោកស្រី គង់ កុសល នាយកផ្នែកទីផ្សារក្រុមហ៊ុនផលិតផលភេសជ្ជៈ ខ្មែរ ប៊ែវើរីជីស បានបញ្ជាក់ថា ពិតជាអ្នកឈ្នះរង្វាន់ 1,000 (មួយពាន់) ដុល្លារ ពីក្រវិលកំប៉ុងភេសជ្ជៈប៉ូវកម្លាំង វើក រហូតដល់តែ 3 នាក់ ពីខេត្តក្រចេះ ដែលមកបើករង្វាន់ខាងលើមែន។

លោកស្រីបន្តទៀតថា អ្នកឈ្នះរង្វាន់ 1,000 ដុល្លារពីក្រវិលកំប៉ុងភេសជ្ជៈប៉ូវកម្លាំង វើក មានច្រើនជាងបីនាក់ដែលមកបើករង្វាន់ក្នុង 1 សប្តាហ៍ ចុងក្រោយនេះ ហើយគ្រាន់តែក្នុងខែ កុម្ភៈ គឺមានចំនួនរហូតទៅដល់ 25 រង្វាន់ឯណោះដែលអោយអតិថិជនរួចរាល់ហើយ រីឯការបើករង្វាន់នេះអតិថិជនទទួលបានប្រាក់លឿនក្នុងរយៈពេលត្រឹមតែ 2-3 ថ្ងៃ តែប៉ុណ្ណោះ៕