សៀមរាប ៖ ពលរដ្ឋបានប្រទះឃើញបុរសម្នាក់ចង.កសម្លាប់ខ្លួន នៅក្នុងព្រៃយ៉ាង សមត្ថកិច្ចចម្រុះនៃស្រុកស្វាយលើបានសន្និដ្ឋានថា ធ្វើអត្តឃាតខ្លួនឯង និងអាចមានជំងឺផ្លូវចិត្ត។
ហេតុការណ៍ប្រទះឃើញសពនេះនៅវេលាម៉ោង១៥និង០០នាទី ថ្ងៃទី២៦ ខែមេសា ឆ្នាំ២០១៩ នៅចំណុចត្រពាំងសង្កែដកកក់ នៅភូមិអង្កាញ់(ត្រពាំងអង្ក្រង) ឃុំស្វាយលើ ស្រុកស្វាយលើ ខេត្តសៀមរាប។
លោកវរសេនីយ៍ឯក ស៊ុន អេង អធិការនគរបាលស្រុកស្វាយលើ បានឲ្យដឹងថា មានករណីចង.កធ្វើអត្ថឃាតនៅចំណុច ត្រពាំងសង្កែរដកកក់ នៅភូមិអង្កាញ់(ត្រពាំងអង្ក្រង) ឃុំស្វាយលើ ស្រុកស្វាយលើ ខេត្តសៀមរាប ជនរងគ្រោះឈ្មោះ លន់ ឡាយ ភេទប្រុស អាយុ៣៧ឆ្នាំនៅភូមិបន្ទាត់បោះ ឃុំដានរុន ស្រុកសូទ្រនិគម ខេត្តសៀមរាប។
លោកបន្តថា យោងតាមការបំភ្លឺរបស់ឈ្មោះ សៀក រ៉ែម ភេទប្រុស អាយុ៣៥ឆ្នាំ នៅភូមិល្អក់ ឃុពង្រលើ ស្រុកជីក្រែង ខេត្តសៀមរាប ស្នាក់នៅបណ្ដោះអាសន្ន ភូមិអង្កាញ់ (ត្រពាំងអង្ក្រង)ឃុំស្វាយលើ ស្រុកស្វាយលើ ខេត្តសៀមរាប បានឲ្យដឹងថា គាត់បានដើរទៅរកដកបន្លែ ទាល់ ត្រធៀង នៅម្ដុំត្រពាំងសង្កែដកកក់ ស្រាប់តែប្រទះឃើញសាកសពចងក៏ស្លាប់នៅនឹងមាត់ត្រពាំងសង្កែ ក៏បានរាយការណ៍ជូនសមត្ថកិច្ច។ក្រោយទទួលព័ត៌មានមន្ត្រីបច្ចេកទេសវិទ្យាសាស្ដ្រ នៃអធិការដ្ឋាននគរបាលស្រុកស្វាយលើបានសហការគ្នាជាមួយកម្លាំងប៉ុស្ដិ៍នគរបាលស្វាយលើ កម្លាំងប្រជាការពារ កម្លាំងប៉េអិម កម្លាំងសឹករងស្រុក គណៈបញ្ជាការឯកភាពស្រុកស្វាយលើ ប្រធានមណ្ឌលសុខភាពស្រុកស្វាយលើ បានចុះទៅដល់កន្លែងកើតហេតុធ្វើការពិនិត្យលើសព ពុំឃើញមានស្លាកស្នាមអ្វីគួរឲ្យកត់សម្គាល់ឡើយ។
សមត្ថកិច្ច បានធ្វើការពិនិត្យនៅក្នុងកាបូបលុយជនរងគ្រោះក្រែងលមានអត្តសញ្ញាណប័ណ្ណឃើញលុយចំនួន១៥ម៉ឺនរៀល ឃើញក្រដាសសៀវភៅមានសរសេរលេខទូរស័ព្ទ089953266 សមត្ថកិច្ចក៏បានខលទៅក្រែងស្គាល់នៅពេលខលចូលម្ចាស់លេខឈ្មោះ រឿន រឿម ភេទប្រុស អាយុ៤៩ឆ្នាំ មុខរបរអ្នករត់តាក់ស៊ីពីផ្សារដំដែក ទៅខេត្តព្រះវិហារ នៅភូមិអន្លង់ពីរ ឃុំត្រពាំងធំ ស្រុកប្រាសាទបាគង ខេត្តសៀមរាប បានឲ្យដឹងថា នៅវេលាម៉ោង៩និង០០នាទីថ្ងៃទី២៦នេះ ជនរងគ្រោះបានកាក់ឡានគាត់ជិះ ហើយក៏បានសុំលេខទូរស័ព្ទដើម្បីទុកទាក់ទងជិះថ្ងៃក្រោយ លុះជិះមកដល់ចំណុចចំការកៅស៊ូក្រែកជនរងគ្រោះក៏ចុះនៅចំណុចនោះទៅ គាត់ក៏បានដឹកម៉ូយទៅដាក់នៅខាងមុខទៀតរួចក៏ត្រឡប់ទៅផ្ទះវិញ។
លោកបន្តថា យោងតាមការបំភ្លឺរបស់សាច់ញាតិឈ្មោះ មឿន ញ៉ាញ់ ភេទប្រុស អាយុ៣៤ឆ្នាំនៅភូមិបន្ទាត់បោះ ឃុំដានរុន ស្រុកសូទ្រនិគម ខេត្តសៀមរាប បានឲ្យដឹងថា ជនរងគ្រោះជាមនុស្សមានសតិមិនសូវល្អ។
ក្រោយការពិនិត្យរួចសមត្ថកិច្ចបានធ្វើកំណត់ហេតុប្រគល់សាកសពជូនសាច់ញាតិដើម្បីធ្វើបុណ្យតាមប្រពៃណី៕
Source: Kampuchea Thmey Daily
0 Comments