ភ្នំពេញ ៖ សម្ដេច ហេង សំរិន ប្រធានរដ្ឋសភា នាព្រឹកថ្ងៃទី២៦ ខែមេសា ឆ្នាំ ២០១៩នេះ បានដឹកនាំកិច្ចប្រជុំ គណៈកម្មាធិការ អចិន្ត្រៃយ៍រដ្ឋសភា ដើម្បីពិនិត្យ និង អនុម័តលើរបៀបវារៈ ចំនួន៥។
របៀបវារៈចំនួន ៥នោះរួមមាន ៖ ១-ការពិនិត្យ សំណើសុំអនុម័តនូវ សេចក្ដីព្រាងច្បាប់ ស្ដីពីការអនុម័ត យល់ព្រមលើកិច្ចព្រមព្រៀង រវាងព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋប្រជាមានិតបង់ក្លាដេស ស្តីពីការជំរុញ និងការការពារទៅវិញទៅមក នៃវិនិយោគ។ ២-ការពិនិត្យសំណើសុំអនុម័តនូវសេចក្ដីព្រាងច្បាប់ ស្ដីពីការអនុម័តយល់ព្រមលើកិច្ចព្រមព្រៀង រវាងព្រះរាជាណាចក្រកម្ពុជា និងសហភាពអារ៉ាប់ អេមីរ៉េត ស្តីពីការជំរុញ និងការការពារទៅវិញទៅមក នៃវិនិយោគ។ ៣-ការពិនិត្យសំណើសុំ អនុម័តនូវសេចក្ដីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀង រវាងព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋ ទួរគី ស្តីពីការជំរុញ និងការការពារទៅវិញទៅមក នៃវិនិយោគ។ ៤-ការពិនិត្យសំណើសុំអនុម័ត នូវសេចក្ដីព្រាងច្បាប់ ស្ដីពី ការគ្រប់គ្រងប្រេងកាត និងផលិត ផលប្រេងកាត។ ៥-ការពិនិត្យសំណើសុំ អនុម័តនូវសេចក្ដីព្រាងច្បាប់ ស្ដីពីការអនុម័តយល់ព្រមលើកិច្ចព្រមព្រៀង ស្ដីពី ការបង្កើតអង្គការ បណ្ដាញអន្តរជាតិ សម្រាប់ ឫស្សី និង ផ្តៅ៕
Source: Kampuchea Thmey Daily
0 Comments