ភ្នំពេញ ៖ ក្នុងឱកាសដែលអញ្ជើញចូលរួមវេទិកាខ្សែក្រវាត់ និងផ្លូវលើកទី២ នៅទីក្រុងប៉េកាំង ប្រទេសចិន សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី២៦មេសា បានទទួលជួបពិភាក្សាការងារ និង ពិសាអាហារពេលព្រឹកជាមួយ លោក ង្វៀង សួនហ្វ៊ុក នាយករដ្ឋមន្ត្រី នៃប្រទេសវៀតណាម នៅសណ្ឋាគារ នៃការស្នាក់នៅរបស់ថ្នាក់ដឹកនាំកម្ពុជា។
នៅក្នុងឱកាសនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីបានមានប្រសាសន៍ចំពោះការរីកចម្រើន និងសមិទ្ធផលរីកចម្រើនជាច្រើនរស់ប្រទេសវៀតណាម ព្រមទាំងមានកំណើនសេដ្ឋកិច្ចខ្ពស់យ៉ាងឆាប់រហ័ស។
សម្ដេចតេជោបានបន្តថា យើងពិតជារីករាយដែលបានពិភាក្សាផ្លាស់ប្ដូរមតិប្រកបដោយភាពស្មោះ ត្រង់ទៅវិញទៅមកទទួលដោយផ្លែផ្កា និង ប្រសិទ្ធភាពលើបញ្ហាទំនាក់ទំនងទ្វេភាគី ក៏ដូចជាបញ្ហាតំបន់ និងពិភពលោកដែលផ្តល់ផលប្រយោជន៍ទៅវិញទៅមក ពូនជ្រំទំនាក់ទំនងមិត្តភាពជាប្រពៃណីសាមគ្គីភាពជាអ្នកជិតខាងល្អ និងកិច្ចសហប្រតិបត្តិការ។
លោកនាយករដ្ឋមន្ត្រីវៀតណាម មានប្រសាសន៍សំដែងនូវការវាយតម្លៃខ្ពស់ ជូនចំពោះប្រមុខរាជរដ្ឋាភិបាលកម្ពុជា ធ្វើឲ្យកម្ពុជាមានការរីកចម្រើនខ្ពស់។
លោកនាយករដ្ឋមន្ត្រីបន្តថា យើងពិតជាមានការរីករាយចំពោះកិច្ចខិតខំប្រឹងប្រែងរបស់ថ្នាក់នាំ មន្ត្រីពាក់ព័ន្ធ នៃប្រទេសទាំងពីរ ដែលមានការយចិត្តទុកដាក់ខ្ពស់ចំពោះផលប្រយោជន៍ជាតិ និងប្រជាជន នៃប្រទេសទាំងពីរ។
សូមជម្រាបថា កន្លងទៅថ្នាក់ដឹកនាំកម្ពុជា វៀតណាម ធ្លាប់បានប្ដេជ្ញាចិត្តខិតខំរួមគ្នាដោះស្រាយបញ្ហាដែលនៅសេសសល់ ដូចជា ខណ្ឌសីមា និងបោះបង្គោលព្រំដែន និងការសម្រេចឲ្យបានទំហំពាណិជ្ជកម្ម៥ពាន់លានដុល្លារ នៅឆ្នាំ២០២០ ផែនការមេតភ្ជាប់លើគ្រប់វិស័យរវាងកម្ពុជា និងវៀតណាម ព្រមទាំងទប់ស្កាត់រាល់បទល្មើសផ្សេងៗនៅតាមព្រំដែន៕
Source: Kampuchea Thmey Daily
0 Comments