សហព័ន្ធខ្មែរកីឡាហែលទឹក បានប្រកាសរៀបចំវគ្គបំពាក់បំប៉នមន្ត្រីបច្ចេកទេសរបស់ខ្លួន ដែលមានរយៈពេល៤ ចាប់ពីថ្ងៃទី១ រហូតដល់ថ្ងៃទី៤ ខែឧសភា ឆ្នាំ២០១៩ ក្រោមការឧបត្ថម្ភថវិកាប្រចាំឆ្នាំរបស់ក្រសួងអប់រំ យុវជន និងកីឡា។
លោក ហែម គីរី អគ្គលេខាធិការ នៃសហព័ន្ធខ្មែរកីឡាហែលទឹក បានប្រាប់ឲ្យដឹងថា វគ្គនេះនឹងមានសិក្ខាកាមចូលរួម៦០នាក់ មកពីវិទ្យាស្ថានជាតិអប់រំកាយ និងកីឡាចំនួន២០នាក់ និង មន្ត្រីបច្ចេកទេស៤០នាក់ ដែលគ្រូឧទ្ទេសជនជាតិសិង្ហបុរី Ang Peng Wee ជានាយកបច្ចេកទេស នៃសហព័ន្ធកីឡាហែលទឹកអាស៊ីអាគ្នេយ៍។
លោបានបន្តថា វគ្គនេះបង្កើតឡើង ដើម្បីត្រៀមធ្វើជាម្ចាស់ផ្ទះ ការប្រកួតកីឡាហែលទឹកជ្រើសរើសជើងឯកយុវជនអាស៊ីអាគ្នេយ៍លើកទី៤៣ ឆ្នាំ២០១៩ ដែលនឹងប្រព្រឹត្តទៅចាប់ពីថ្ងៃទី២៨ ដល់ថ្ងៃទី៣០ ខែមិថុនា ឆ្នាំ២០១៩ នៅពហុកីឡដ្ឋានជាតិមរតកតេជោ៕
Source: Kampuchea Thmey Daily
0 Comments