រតនគិរី ៖ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត ដោយមានការបញ្ជាផ្ទាល់ពី លោកឧត្ដមសេនីយ៍ត្រី វ៉ាន់ សង្វាត ស្នងការរងទទួលផែនការងារប្រឆាំងគ្រឿងញៀននិងមានការសម្របសម្រួលពី លោក រ៉ា បូរ៉ាឌី ព្រះរាជអាជ្ញារងអមសាលាដំបូងខេត្ត បានឃាត់ខ្លួនជនសង្ស័យម្នាក់ ជាមុខសញ្ញា ពាក់ព័ន្ធករណីជួញដូរ និងប្រើប្រាស់ដោយខុសច្បាប់នូវសារធាតុញៀន។
ករណីឃាត់ខ្លួនជនសង្ស័យខាងលើនេះ ធ្វើឡើងនៅវេលាម៉ោង៤និង០០នាទីល្ងាចថ្ងៃពុធ ៥រោច ខែចេត្រ ឆ្នាំកុរ សំរឹទ្ធិស័ក ព.ស២៥៦២ ត្រូវនឹងថ្ងៃទី២៤ ខែមេសា ឆ្នាំ២០១៩កន្លងទៅ នៅត្រង់ចំណុចផ្ទះជនសង្ស័យ ស្ថិតក្នុងភូមិ៤ សង្កាត់កាចាញ ក្រុងបានលុង ខេត្តរតនគិរី។
មន្ត្រីនគរបាលជំនាញបានឲ្យដឹងថា ជនសង្ស័យមានឈ្មោះ នួន លីស ភេទប្រុស អាយុ៣៧ឆ្នាំ ជនជាតិខ្មែរ មុខរបរមិនពិតប្រាកដ បន្ទាប់ពីសមត្ថកិច្ចជំនាញបានឃាត់ខ្លួននិងធ្វើតេស្តទឹកនោមលទ្ធផលវិជ្ជមាន(+)។
ក្រោយពីការឃាត់ខ្លួនជនសង្ស័យ សមត្ថកិច្ចបានដកហូតវត្ថុតាងម្សៅក្រាម ពណ៌សថ្លា សង្ស័យជាសារធាតុញៀនចំនួន១៧កញ្ចប់ មានទម្ងន់ ៤២.៧៤ក្រាមទាំងសំបកថង់ ទូរស័ព្ទដៃ០១គ្រឿង
ម៉ូតូ០១គ្រឿង និងថង់ច្រកថ្នាំញៀនមួយចំនួនធំទៀតផងដែរ។
បច្ចុប្បន្ន ជនសង្ស័យ រួមទាំងវត្ថុតាង ត្រូវបានឃាត់ខ្លួន និងរក្សាទុកបណ្ដោះអាសន្ននៅការិយាល័យជំនាញ ដើម្បីកសាងសំណុំរឿងបញ្ជូនទៅអយ្យកាអមសាលាដំបូងខេត្តចាត់ការតាមនីតិវិធី៕
Source: Kampuchea Thmey Daily
0 Comments