ឧត្តរមានជ័យ ៖ នៅព្រឹកថ្ងៃទី២៥ ខែមេសា ឆ្នាំ២០១៩ វេលាម៉ោង០៨និង៣៥នាទី នៅសាលាស្រុកត្រពាំងប្រាសាទ បានរៀបចំកិច្ចប្រជុំបូកសរុបលទ្ធផល ការចុះផ្ទៀងផ្ទាត់ក្បាលដី ដែលប្រជាពលរដ្ឋបានចូលកាប់ទន្ទ្រានយក ដីក្រុមហ៊ុនមេត្រីភាព និងដីសហគមន៍ ទំនប់អូរតាក្អែក ឃុំយាង ស្រុកជាំក្សាន្ត ខេត្តព្រះវិហារ ក្រោមអធិបតីភាព ឯកឧត្ដម ស្រ៊ុន ផរិទ្ធ រដ្ឋលេខាធិការក្រសួងបរិស្ថាន ឯកឧត្ដម ស ថាវី អនុរដ្ឋលេខាធិការក្រសួងមហាផ្ទៃ ឯកឧត្ដម អ៊ុន ចាន់ដា អភិបាលខេត្តព្រះវិហារ ឯកឧត្តម វ៉ាត ប៉ារ៉ានីន អភិបាលរងខេត្តឧត្តរមានជ័យ ដោយមានការចូលរួមពី ឯកឧត្ដម មេបញ្ជាការ មេបញ្ជាការរង លោកស្នងការ ស្នងការរង នគរបាលខេត្តឧត្តរមានជ័យ ខេត្តព្រះវិហារ និងអស់លោកគណៈបញ្ជាការឯកភាពស្រុក កម្លាំងទាំង៣ សរុបចំនួន៤៥នាក់។
ជាលទ្ធផល បានសម្រេចកំណត់យកត្រឹមចំនួន៤៣១គ្រួសារ សម្រាប់ផ្ទៀងផ្ទាត់លើផ្ទៃដីរួម ដែលស្ថិតនៅក្នុងភូមិសាស្ត្ររួមរបស់ស្រុកត្រពាំងប្រាសាទ ខេត្តឧត្តរមានជ័យ និងស្រុកជាំក្សាន្ត ខេត្តព្រះវិហារ ដោយមតិរបស់ ឯកឧត្ដម ស ថាវី បានប្រគល់ទៅឲ្យស្រុកទាំង០២ ស្រុកត្រពាំងប្រាសាទ និង ស្រុកជាំក្សាន្ត ជាអ្នកចាត់ចែង៕
Source: Kampuchea Thmey Daily
0 Comments